2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മുംബൈ കോര്‍പറേഷന്‍: മേയര്‍ സ്ഥാനത്തേക്ക് മത്സരിക്കില്ലെന്ന് ബി.ജെ.പി

മുംബൈ: മുംബൈ കോര്‍പറേഷനില്‍ മേയര്‍, ഡെപ്യൂട്ടി മേയര്‍ സ്ഥാനത്തേക്ക് മത്സരിക്കാനില്ലെന്ന് മഹാരാഷ്ട്ര മുഖ്യമന്ത്രിയും ബി.ജെ.പി നേതാവുമായ ദേവേന്ദ്ര ഫഡ്‌നവിസ് ഇന്നലെ പ്രഖ്യാപിച്ചു. ഇതോടെ ഈ രണ്ട് സ്ഥാനത്തും ശിവസേന വരുമെന്ന് ഉറപ്പായി.
മുംബൈ കോര്‍പറേഷന്റെ ഭരണ പ്രവര്‍ത്തനം സുതാര്യമാക്കാന്‍ തങ്ങള്‍ ശ്രദ്ധയോടെ പ്രവര്‍ത്തിക്കും. എന്നാല്‍ മേയര്‍, ഡെപ്യൂട്ടി മേയര്‍ സ്ഥാനത്തേക്ക് വരാന്‍ ആഗ്രഹിക്കുന്നില്ല. ജനങ്ങളുടെ വിധിയെഴുത്തിന് എതിരായി തങ്ങള്‍ പ്രവര്‍ത്തിക്കില്ലെന്നും ഫഡ്‌നവിസ് വ്യക്തമാക്കി.
അതേസമയം ഈ രണ്ട് സ്ഥാനത്തേക്കും ശിവസേന സ്ഥാനാര്‍ഥികളെ നിര്‍ത്തുമെന്ന് നേതാക്കള്‍ അറിയിച്ചു. മേയര്‍, ഡെപ്യൂട്ടി മേയര്‍ സ്ഥാനത്തേക്ക് ആര് വരുമെന്ന കാര്യത്തില്‍ ഈ മാസം എട്ടിന് തീരുമാനമുണ്ടാകുമെന്നും ശിവസേന അറിയിച്ചു. എന്നാല്‍ മേയര്‍ സ്ഥാനത്തേക്ക് ശിവസേന പരിഗണിക്കുന്ന വിശ്വനാഥ് മഹാദേശ്വറിനെയാണെന്നാണ് വിവരം. ഡെപ്യൂട്ടി മേയര്‍ സ്ഥാനത്തേക്ക് പരിഗണിക്കുന്നത് ഹരേശ്വര്‍ വാര്‍ലികറിനെയുമാണ്. 227 അംഗ കൗണ്‍സിലില്‍ 84 സീറ്റുകളാണ് ശിവസേനക്ക് ലഭിച്ചത്. ബി.ജെ.പിക്ക് 82 അംഗങ്ങളാണുള്ളത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.