2018 January 17 Wednesday
ഭീരുത്വത്തെക്കാള്‍ നല്ലത് മരണമാണ്.
ചെ ഗുവേര

മാലിന്യ കൂമ്പാരത്തിനും പുല്ലിനും തീ പിടിച്ചു

 

കാഞ്ഞാണി: പെരുമ്പുഴ പാലം റോഡരുകിലെ മാലിന്യ കൂമ്പാരത്തിനും പുല്ലിനും തീ പിടിച്ചു. ഗതാഗതം ഭാഗികമായി സതംഭിച്ചു. ഇന്നലെ ഉച്ചക്കാണ് സംഭവം. ഏതോ വഴിയാത്രക്കാ രന്‍ സിഗരറ്റ് വലിച്ച് മാലിന്യത്തിലേക്ക് എറിഞ്ഞതാണ് തീപിടുത്തതിന് കാരണമായത്.
തൃശൂരില്‍ നിന്നെത്തിയ ഫയര്‍ഫോഴ്‌സും അന്തിക്കാട് പൊലിസും നാട്ടുകാരും ചേര്‍ന്നാണ് തീയണച്ചത്. തീ ആളിപടര്‍ന്നതിന് ഇരുവശങ്ങളിലും നെല്ല് വിളഞ്ഞ് നില്‍ക്കുന്ന പാടങ്ങളാണ്. നല്ല കാറ്റുമുണ്ടായിരുന്നതിനാല്‍ ഒന്നും കാണാനാകാതെ വന്നതിനാല്‍ ഇത് വഴിയുള്ള ഗതാഗതം ഭാഗികമായി കുറച്ച് സമയം തടസപെട്ടു.
പാഴ് പുല്ലിന്നുള്ളില്‍ നിറയെ മാലിന്യങ്ങളായതിനാല്‍ ഫയര്‍ഫോഴ്‌സ് ഏറെ പാട് പെട്ടാണ് തീയണച്ചത്. ആളി കത്തിയ തീ സമീപത്തെ തണല്‍ മരങ്ങളിലേക്കും പടര്‍ന്നത് ആശങ്കക്ക് ഇടയാക്കി.
അന്തിക്കാട് എസ്.ഐ സനീഷ് രവീന്ദ്രന്‍.ഫയര്‍ഫോഴ്‌സ് ഉദ്യോഗസ്ഥന്മാരായ ആര്‍.കെ ബാബു, ശരത് ചന്ദ്രബാബു. നവീന്‍ കെ.എസ്, നിധിന്‍ വിന്‍സെന്റ്, സുരേഷ്, കെ.ഐ.വി ഇല്‍യാസ് എന്നിവരുടെ നേതൃത്വത്തിലാണ് തീയണച്ചത്. തീപിടുത്തവിവരം അറിഞ്ഞപ്പോള്‍ ഫയര്‍ഫോഴ്‌സിന് സ്ഥലത്തെത്താന്‍ വാഹനമുണ്ടായിരുന്നില്ല.
പിന്നീട് വിയൂര്‍ ജെയിലിന് സമീപം പാഴ് പുല്ലുകള്‍ക്ക് തീപിടിച്ചത് അണക്കുകയായിരുന്ന ഒരു യൂനിറ്റിനെ പെരുമ്പുഴയിലേക്ക് അയക്കുകയായിരുന്നു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.