2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മാലിന്യപ്ലാന്റ് അടഞ്ഞു തന്നെ; നിഷ്‌ക്രിയമായി ഭരണസമിതി

നാദാപുരം: മാസങ്ങളായി അടഞ്ഞുകിടക്കുന്ന പാലോഞ്ചാലയിലെ പഞ്ചായത്ത് മാലിന്യപ്ലാന്റ് അടഞ്ഞുതന്നെ കിടക്കുന്നു.
പ്ലാന്റ് തുറന്നുപ്രവര്‍ത്തിപ്പിക്കാന്‍ ഇതുവരെ നടപടിയായില്ല. പരിസരവാസികളുടെ എതിര്‍പ്പുമൂലം എട്ടു മാസം മുന്‍പാണു മാലിന്യ സംസ്‌കരണ പ്ലാന്റിന്റെ പ്രവര്‍ത്തനം തടസപ്പട്ടത്. കോടതിവിധി അനുകൂലമായിട്ടും പ്ലാന്റ് തുറന്നുപ്രവര്‍ത്തിപ്പിക്കാന്‍ കഴിയാത്തതു ഭരണസമിതിയുടെ വീഴ്ചയായാണു നാട്ടുകാര്‍ പറയുന്നത്.
കല്ലാച്ചി, നാദാപുരം അങ്ങാടികളിലെ മാലിന്യനീക്കം തടസപ്പെട്ടു ജനം പൊറുതിമുട്ടിയപ്പോള്‍ സ്വകാര്യ ഏജന്‍സിയെ കെട്ടിക്കിടക്കുന്ന മാലിന്യങ്ങള്‍ നീക്കംചെയ്യാന്‍ ചുമതലപ്പെടുത്തി പഞ്ചായത്ത് ഭരണസമിതി താല്‍ക്കാലിക പരിഹാരം കണ്ടെത്തുകയായിരുന്നു. ടൗണുകളില്‍ വീണ്ടും കുന്നുകൂടുന്ന മാലിന്യങ്ങള്‍ എന്തു ചെയ്യണമെന്ന് ആര്‍ക്കും ധാരണയില്ല. ഭരണസമിതിയിലെ പടലപ്പിണക്കവും സ്ഥിതി വഷളാക്കാന്‍ ഇടയാക്കിയതായി ആരോപണം ഉയര്‍ന്നിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.