2018 April 20 Friday
ആരുടെ സംസാരം അധികമായോ അവരുടെ അബദ്ധങ്ങളും അധികമായിരിക്കും
ഉമറുല്‍ ഫാറൂഖ് (റ)

മാന്നാറില്‍ വൈദ്യുതി മുടക്കം പതിവാകുന്നു

മാന്നാര്‍: നഗരത്തിലും പരിസര പ്രദേശങ്ങളിലും വൈദ്യുതി മുടക്കവും വോള്‍ട്ടേജ് ക്ഷാമവും പതിവാകുന്നു.
മാന്നാര്‍ ടൗണിലെ കെ.എസ്.ഇ.ബി ഓഫിസിനടുത്ത് അന്‍പതോളം വര്‍ഷം മുന്‍പ് സ്ഥാപിച്ച ഏക ട്രാന്‍സ് ഫോമര്‍ മാത്രമാണ് നഗരത്തില്‍ വൈദ്യുതി വിതരണം ചെയ്യുന്നത്.
വര്‍ഷങ്ങള്‍ കടന്ന് പോയിട്ടും കടകളും വ്യവസായ സ്ഥാപനങ്ങളും വീടുകളും വര്‍ദ്ധിച്ചിട്ടും അധിക്യതര്‍ മൗനം പാലിക്കുകയാണ്.  
പരാതികള്‍ ഉയര്‍ന്നപ്പോള്‍ കെ.എസ്.ഇ.ബി അടുത്ത സമയത്ത് ടൗണില്‍ സ്ഥാപിക്കാന്‍ രണ്ട് ട്രാന്‍സ്‌ഫോറുകള്‍ കൊണ്ടുവന്നു.
ഇവ മാന്നാര്‍ ഓഫിസിന് പിന്നില്‍ ഉപയോഗ ശൂന്യമായി കാട് കയറി കിടക്കുകയാണ്. ഇവ സ്ഥാപിക്കാന്‍ സ്ഥലം കണ്ടെത്താന്‍ കഴിയാത്ത അവസ്ഥയാണെന്ന് ഉദ്യോഗസ്ഥര്‍ പറയുന്നു. മാന്നാറിലെ വൈദ്യുതി പ്രശ്‌നങ്ങള്‍ പരിഹരിക്കുന്നതിന് പ്രത്യേക അദാലത്ത് സംഘടിപ്പിക്കണമെന്നാണ് ജനങ്ങളുടെ ആവശ്യം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.