2019 July 16 Tuesday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

മഴക്കെടുതി: സംസ്ഥാനത്ത് 203 വീടുകള്‍ തകര്‍ന്നു

തിരുവനന്തപുരം: മഴക്കെടുതിയില്‍ സംസ്ഥാനത്ത് ഇന്നലെ 203 വീടുകള്‍ തകര്‍ന്നു. 10 വീടുകള്‍ പൂര്‍ണമായും 193 എണ്ണം ഭാഗികമായുമാണ് തകര്‍ന്നത്.
ഇടുക്കി ജില്ലയിലാണ് കൂടുതല്‍ വീടുകള്‍ തകര്‍ന്നത്. ഇവിടെ ഏഴു വീടുകള്‍ പൂര്‍ണമായും 69 എണ്ണം ഭാഗികമായും തകര്‍ന്നു.

എറണാകുളം- 28, ആലപ്പുഴ- 27, കൊല്ലം- 11, കോട്ടയം-55, തൃശൂര്‍-നാല് എന്നിങ്ങനെയാണ് മറ്റ് ജില്ലകളില്‍ തകര്‍ന്ന വീടുകളുടെ എണ്ണം. മലപ്പുറം, തിരുവനന്തപുരം ജില്ലകളില്‍ ഓരോ വീടുകളും തകര്‍ന്നിട്ടുണ്ട്.

അതേസമയം, ഇന്നലെ കൂടുതല്‍ മഴ ലഭിച്ചത് ഇടുക്കി ജില്ലയിലാണ് (70.76 മില്ലീമീറ്റര്‍). തൃശൂരിലാണ് ഏറ്റവും കുറവ് (ആറ് മില്ലീമീറ്റര്‍). തിരുവനന്തപുരം- 42.075, കൊല്ലം- 20, ആലപ്പുഴ- 13.5, കോട്ടയം- 12.88, പത്തനംതിട്ട- 31, പാലക്കാട്- 20.57, വയനാട്-എട്ട്, എറണാകുളം- 14.5, കാസര്‍കോട്-47.5, കണ്ണൂര്‍- 6.1, കോഴിക്കോട്- 14.8, മലപ്പുറം-12.1 എന്നിങ്ങനെയും മഴ ലഭിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.