2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മലയാളിയുടെ ജയില്‍ മോചനത്തിന് ഇനിയും നാല് വര്‍ഷം കൂടി കാത്തിരിക്കണം

ദമാം: അനധികൃത ടാക്‌സിയില്‍ യാത്രചെയ്യുന്നതിനിടെ മദ്യക്കടത്തു കേസില്‍ പിടിയിലായ മലയാളി യുവാവിന് ജയില്‍ മോചനമായില്ല. ഇനിയും നാല് വര്‍ഷം കൂടി കാത്തിരുന്നാലേ മോചനം സാധ്യമാകൂ.
11 വര്‍ഷമായി മക്കയിലെ ഇസ്‌ലാഹിയ ജയിലില്‍ കഴിയുന്ന മലപ്പുറം വേങ്ങര നെല്ലിപ്പറമ്പ ഊരകം സ്വദേശി അബ്ദുല്‍ റസാഖ് കൊളക്കാടന്റെ മോചനമാണ് നീളുന്നത്. ഇദ്ദേഹത്തിന്റെ മോചനം 15 വര്‍ഷം പൂര്‍ത്തിയായാല്‍ മാത്രമേ സാധിക്കൂവെന്നാണ് സ്ഥിരീകരണം. ഇദ്ദേഹത്തിന്റെ മോചനത്തിന് വേണ്ടണ്ട സഹായം ചെയ്യണമെന്ന വീട്ടുകാരുടെ ആവശ്യം പരിഗണിച്ച് സന്നദ്ധ പ്രവര്‍ത്തകന്‍ നബ്ഹാന്‍ സയ്യിദ് കൊളത്തോട് എംബസിക്ക് നല്‍കിയ നിവേദനത്തെ തുടര്‍ന്ന് എംബസി നടത്തിയ അന്വേഷണത്തിലാണ് ഇക്കാര്യം വ്യക്തമായത്.
ജയിലില്‍ സന്ദര്‍ശനം നടത്തിയ എംബസി ഉദ്യോഗസ്ഥനോട് ജയില്‍ അധികൃതരാണ് ഇക്കാര്യം അറിയിച്ചത്. 2007ല്‍ ജിദ്ദയില്‍ ഒരു ഇലക്ട്രിക്കല്‍ സ്ഥാപനത്തില്‍ ജോലിക്കെത്തിയതായിരുന്നു അബ്ദുല്‍ റസാഖ് . ജോലി ആവശ്യാര്‍ഥം ഒരു മലയാളിയുടെ ടാക്‌സിയില്‍ മക്കയിലേക്ക് പോകുന്നതിനിടെയാണ് ഇദ്ദേഹം പൊലിസ് പിടിയിലായത്. വഴിയിലെ വാഹന പരിശോധനക്കിടെ ഇവരുടെ വാഹനത്തില്‍ നിന്നും ലഹരി വസ്തുക്കള്‍ പിടികൂടുകയായിരുന്നു.
ഒടുവില്‍ അബ്ദുല്‍ റസാഖ് നിരപരാധിയാണെന്നും താനാണ് ലഹരി ഒളിപ്പിച്ചതെന്നും ഡ്രൈവര്‍ കോടതിയില്‍ ബോധ്യപ്പെടുത്തിയെങ്കിലും ഡ്രൈവറുടെ ശിക്ഷ തന്നെ റസാഖിനും വിധിക്കുകയായിരുന്നു. ലഹരി സാധനങ്ങള്‍ കച്ചവടത്തിനായി കടത്തുകയെന്നാണ് ഇരുവര്‍ക്കുമെതിരേ ചുമത്തിയത്. ഇതോടെ റസാഖിന്റെ കുടുംബം ദുരിതത്തിലായി. ഭാര്യാ പിതാവിന്റെ സംരക്ഷണത്തിലാണ് ഭാര്യ ഫാത്തിമയും രണ്ടണ്ടു മക്കളും.
റസാഖിന്റെ മോചനത്തിനായി മുഖ്യമന്ത്രിക്കും നോര്‍ക്കയ്ക്കും പരാതി നല്‍കിയിരുന്നു. 11 വര്‍ഷം ജയിലില്‍ വാസം പൂര്‍ത്തിയാക്കിയ അബ്ദുല്‍ റസാഖിന് ഇതോടെ ഇനിയും നാല് വര്‍ഷം കൂടി കാത്തിരിക്കണം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News