2019 June 20 Thursday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

മരീചിക

എ.എസ് മുഹമ്മദ് കുഞ്ഞി

 

 

തെരഞ്ഞെടുപ്പ് (സു)ദിനം. രാവിലെ 9 മണി കഴിഞ്ഞിരിക്കുന്നു. ബൂത്തിന് മുന്നിലെ നീണ്ട ക്യൂവിന്റെ ഒരു കണ്ണിയായി നീങ്ങവെ പിന്നിലുള്ള പയ്യന്‍ ഓര്‍മപ്പെടുത്തി. സാര്‍, വോട്ട് ചെയ്യുമ്പോള്‍ ശ്രദ്ധിക്കണം. ഉദ്ദേശിച്ച ചിഹ്നമല്ലത്രെ പതിയുന്നത്. ഏയ്. അതിന് സാധ്യതയില്ല. ഞാന്‍ ചിരിച്ചു. നടന്ന് നടന്ന് സ്‌കൂള്‍ കെട്ടിടത്തിന്റെ വരാന്തയിലെത്തിയപ്പോള്‍ ആശ്വാസമായി. ഇനി ഏതാനും നേരത്തെ കാത്തിരിപ്പ് മാത്രം. ഇപ്പോള്‍ തുറന്നു വച്ച ജനലിലൂടെ അകത്ത് നടക്കുന്നതെല്ലാം ഏറെക്കുറെ കാണാം. വെയിലത്ത് ഏറെ നേരം നിന്നതാവാം കാഴ്ചക്ക് ഒരു മങ്ങല്‍.

പെട്ടെന്നാണ് ശ്രദ്ധ കാര്‍ഡ്‌ബോഡ് വച്ച് മറച്ച മേശയിലേക്ക് പതിഞ്ഞത്. വെയിലത്ത് റോഡിലൂടെ വാഹനത്തില്‍ സഞ്ചരിക്കുമ്പോള്‍ കുറച്ച് മുമ്പിലായി സാധാരണ പ്രത്യക്ഷപ്പെട്ട് കാണാറുള്ള പോലെ, മരീചിക.. ജലപ്പരപ്പിലെന്ന പോലെ അത് പതുക്കെ ഇളകുന്നു. വോട്ടിങ് യന്ത്രത്തിന് നേരിയ അനക്കം. പിന്നീടതൊരു ജലാശയത്തിലെ ജലോപരിതലത്തിലെന്ന പോലെ പതുക്കെ നീങ്ങിപ്പോയി വിരിഞ്ഞു നില്‍ക്കുന്ന ഒരു താമരയില്‍ മുത്തമിട്ടു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.