2019 February 18 Monday
എന്റെ കാലിന്റെ ഗതിനിയന്ത്രിക്കുന്നത് ഒരു വിളക്കാണ്. അത് എന്താണെന്നോ? അനുഭവദീപം! -പാട്രിക് ഹെന്റി

മന്ത്രി മേഴ്‌സിക്കുട്ടിയമ്മയുടെ നേതൃത്വത്തില്‍ ധനസമാഹരണം നാളെ മുതല്‍

 

കൊല്ലം: മുഖ്യമന്ത്രിയുടെ ദുരിതാശ്വാസ നിധിയിയിലേക്കുള്ള ജില്ലാതല ധനസമാഹരണ യജ്ഞം ജില്ലയുടെ ചുമതല വഹിക്കുന്ന മന്ത്രി ജെ. മേഴ്‌സിക്കുട്ടിയമ്മയുടെ നേതൃത്വത്തില്‍ പ്രാദേശിക ധനസമാഹരണത്തിന് നാളെ തുടക്കംകുറിക്കും. വിവിധ താലൂക്കുകളിലായി നടക്കുന്ന പരിപാടിയില്‍ മന്ത്രിക്കൊപ്പം മറ്റ് ജനപ്രതിനിധികളും ഉദ്യോഗസ്ഥരും സന്നദ്ധ പ്രവര്‍ത്തകരും പങ്കുചേരും.
നാളെ രാവിലെ 10.30 മുതല്‍ 12.30വരെ കരുനാഗപ്പള്ളി ടൗണ്‍ ക്ലബ് ഓഡിറ്റോറിയത്തിലാണ് ആദ്യ ധനസമാഹരണം. ഉച്ചകഴിഞ്ഞ് രണ്ടു മുതല്‍ നാലുവരെ കുന്നുത്തൂര്‍ താലൂക്ക് ഓഫിസില്‍ പരിപാടി നടക്കും. തുടര്‍ന്നുള്ള ദിവസങ്ങളിലെ സമയക്രമം: 13ന് രാവിലെ 10.30 മുതല്‍ 12 വരെ കൊട്ടാരക്കര മിനി സിവില്‍ സ്റ്റേഷന്‍. ഉച്ചകഴിഞ്ഞ് രണ്ടു മുതല്‍ മൂന്നുവരെ കടയ്ക്കല്‍ ടൗണ്‍ ടാക്‌സി സ്റ്റാന്‍ഡിലെ പ്രത്യേക വേദി, 14ന് രാവിലെ 10 മുതല്‍ ഒന്നുവരെ കൊല്ലം താലൂക്ക് ഓഫിസ്, ഉച്ചകഴിഞ്ഞ് രണ്ടുമുതല്‍ നാലുവരെ പുനലൂര്‍ ജി.എച്ച്.എസ്.എസ്, വൈകിട്ട് നാലു മുതല്‍ ആറു വരെ പത്തനാപുരം താലൂക്ക് ഓഫിസ്. വ്യക്തികള്‍ക്കും സംഘടനകള്‍ക്കും ദുരിതാശ്വാസ നിധിയിലേക്കുള്ള സംഭാവന മന്ത്രിക്ക് നേരിട്ടു നല്‍കാം. പഞ്ചായത്തുതലത്തില്‍ സമാഹരിച്ച തുകയും താലൂക്കിലെ പരിപാടിയില്‍ കൈമാറാം. താലൂക്ക് കേന്ദ്രങ്ങളില്‍ സംഭാവന നല്‍കാന്‍ കഴിയാത്തവര്‍ക്ക് സെപ്റ്റംബര്‍ 15ന് കൊല്ലം കലക്ട്രേറ്റില്‍ മന്ത്രിക്ക് പണം കൈമാറാന്‍ പ്രത്യേക സജ്ജീകരണം ഏര്‍പ്പെടുത്തും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.