2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

മത്സ്യ തൊഴിലാളികള്‍ മറ്റുള്ളവരുടെ വേദന അറിയുന്നവര്‍ : പ്രൊഫ. രവീന്ദ്രനാഥ്

കയ്പ്പമംഗലം: മറ്റുള്ളവരുടെ വേദന സ്വന്തം വേദനയെന്ന് മനസ്സിലാക്കിയവരാണ് മത്സ്യതൊഴിലാളികളെന്ന് പ്രൊഫ.സി.രവീന്ദ്രനാഥ്. മാനവികതയും മനുഷ്യത്വവും എന്താണെന്ന് അവര്‍ നമ്മുക്ക് മനസ്സിലാക്കി തന്നു. രക്ഷാപ്രവര്‍ത്തനത്തിന് ശേഷം പുനരധിവാസത്തിലും നിരവധി ആളുകള്‍ മാതൃക കാണിക്കുന്നു. സംഭാവനകളായും വീട്ടുപകരണങ്ങളായും സമൂഹത്തിലെ വേദനകള്‍ മാറ്റുന്നു.
പുതിയൊരു സംസ്‌കാരത്തിലൂടെ പൂനര്‍നിര്‍മ്മാണപ്രക്രിയയില്‍ അവര്‍ പങ്കാളിയാവുന്നുവെന്നും മന്ത്രി പറഞ്ഞു. പെരിഞ്ഞനം ഗ്രാമപഞ്ചായത്തിന്റെ ആഭിമുഖ്യത്തില്‍ പെരിഞ്ഞനം കമ്മ്യൂണിറ്റി ഹാളില്‍ സംഘടപ്പിച്ച ദുരിതാശ്വാസ കിറ്റു വിതരണവും ദുരിതാശ്വാസ നിധിയിലേക്ക് ഫണ്ട് സ്വീകരിക്കലിന്റെയും പ്രളയകെടുതിയില്‍ രക്ഷകരായ മത്സ്യതൊഴിലാളികളെ ആദരിക്കല്‍ ചടങ്ങിന്റെയും ഉദ്ഘാടനം ചെയ്ത് കൊണ്ട് സംസാരിക്കുകയായിരുന്നു വിദ്യാഭ്യാസ മന്തി പ്രൊഫ.സി.രവീന്ദ്രനാഥ് . ഇ.ടി ടൈസണ്‍ മാസ്റ്റര്‍ എം.എല്‍.എ അധ്യക്ഷനായി. മുഖ്യമന്ത്രിയുടെ ദുരിതാശ്വാസ നിധിയിലേക്ക് വിവിധ വ്യക്തികള്‍ നല്‍കിയ ഫണ്ട് മന്തി സ്വീകരിച്ചു.
200 ഓളം ദുരിതിബാധിതരായ കുടുംബങ്ങള്‍ക്ക് ദുരിതാശ്വസ കിറ്റുകള്‍ മന്ത്രി വിതരണം ചെയ്തു. സര്‍ക്കാരിലേക്ക് പെരിഞ്ഞനം പഞ്ചായത്തിലെ വിവിധ വ്യക്തികള്‍ കൈമാറിയ ഭൂമി മന്ത്രി ഏറ്റെടുത്തു.
മത്സ്യതൊഴിലാളികളെ ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് കെ.കെ അബീദലി ആദരിച്ചു. ജില്ല പഞ്ചായത്ത് അംഗം ബി.ജി വിഷ്ണു, പഞ്ചായത്ത് വൈസ് പ്രസിഡന്റ് സായിദ മുത്തുകോയ തങ്ങള്‍, ബ്ലോക്ക് പഞ്ചായത്ത് സ്റ്റാന്റിംങ് കമ്മറ്റി അംഗങ്ങളായ എം.എ വിജയന്‍, സി.കെ കിരിജ, പഞ്ചായത്ത് അംഗങ്ങള്‍ ബിന്ദു ലോഹിദാക്ഷന്‍, പി.വി സതീശന്‍, പി.എ സുധീര്‍, പെരിഞ്ഞനം പഞ്ചായത്ത് പ്രസിഡന്റ് കെ.കെ സച്ചിത്ത്, പഞ്ചായത്ത് സെക്രട്ടറി അബ്ദുല്‍ ജലീല്‍ സംസാരിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.