2019 January 19 Saturday
ഒരു നല്ല വാക്ക് പറയുന്നതും അരോചകമായത് ക്ഷമിക്കുന്നതും ദ്രോഹം പിന്തുടരുന്ന ദാനത്തെക്കാള്‍ ഉല്‍കൃഷ്ടമാകുന്നു

മതേതര കക്ഷികളുടെ ഐക്യമാണ് ആവശ്യം

ഫാസിസം അതിന്റെ സര്‍വ ഗര്‍വുമുപയോഗിച്ച് സംഹാര താണ്ഡവമാടിക്കൊണ്ടിരിക്കുന്ന സമകാലീന ഇന്ത്യന്‍ സാഹചര്യത്തില്‍ ഫാസിസം ഇന്ത്യയുടെ ഭരണഘടനാ തത്വങ്ങളെ കാറ്റില്‍പറത്തി ഏകാധിപത്യ ഭരണം നടത്തുന്നത്, ലോകത്തിലെ ഏറ്റവും വലിയ ജനാധിപത്യ മതേതരത്വ രാജ്യമെന്ന ഇന്ത്യയുടെ സല്‍പേരിനു കളങ്കമാണ്.
ഇറ്റാലിയന്‍ ചിന്തകന്‍ ഉംബര്‍ട്ടോ എക്കോ നിരീക്ഷിച്ച ഫാസിസത്തിന്റെ പതിനാല് അടയാളങ്ങളിലോരോന്നും ദിനംപ്രതി പുലര്‍ന്നുകൊണ്ടിരിക്കുകയാണ്.
മാധ്യമരംഗത്തും ജുഡിഷ്യറിയിലും തങ്ങളോട് ആഭിമുഖ്യമുള്ളവരെ തിരുകിക്കയറ്റി ഹിന്ദുത്വ അജണ്ട നടപ്പാക്കാന്‍ ശ്രമിക്കുന്ന ഫാസിസ്റ്റ് സര്‍ക്കാരിന്റെ ശ്രമങ്ങളെ ജനാധിപത്യത്തിലും മതേതരത്വത്തിലും വിശ്വസിക്കുന്ന ഏതൊരും ഇന്ത്യന്‍ പൗരനും ഉത്കണ്ഠയോടെയാണ് നോക്കിക്കാണുന്നത്.
ദലിതര്‍ക്കും സ്ത്രീകള്‍ക്കുമെതിരായ അക്രമങ്ങള്‍ നിരന്തരം കേട്ടുകൊണ്ടേയിരിക്കുന്നു.
29 സംസ്ഥാനങ്ങളില്‍ ഇരുപതെണ്ണത്തിലും നേരിട്ടോ കൂട്ടുകക്ഷിയായോ ഭരണം നടത്തുന്ന ബി.ജെ.പി, അധികാരത്തിന്റെ ഹുങ്കില്‍ ഏത് നീച പ്രവര്‍ത്തനവുമാവാം എന്നാണ് ഭാവിക്കുന്നതെങ്കില്‍ അതിന് അല്‍പ്പായുസ്സേയുള്ളൂ.
ഗാന്ധിയും നെഹ്‌റുവും അംബേദ്കറും രാജ്യദ്രോഹികളായി മുദ്രകുത്തപ്പെട്ട്, ഗോഡ്‌സെയും സവര്‍ക്കറും ഗോള്‍വാള്‍ക്കറുമെല്ലാം രാജ്യസ്‌നേഹത്തിന്റെ ഉത്തമ മാതൃകകളായി ചിത്രീകരിക്കപ്പെടുന്ന ഈ കാലത്ത് ഫാസിസ്റ്റ് മുന്നേറ്റത്തെ ചെറുക്കാന്‍ കോണ്‍ഗ്രസിനും മറ്റു മതേതര ശക്തികള്‍ക്കും മാത്രമേ സാധിക്കുകയുള്ളൂ എന്ന് ഉറപ്പിച്ചു പറയാം. സാലിം ചാഴിയോട്

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.