2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മതനിരപേക്ഷ ജനാധിപത്യ മൂല്യങ്ങള്‍ ഉയര്‍ത്തിപ്പിടിക്കുന്ന ഭരണമാണ് വേണ്ടത്: വി.കെ ശ്രീകണ്ഠന്‍

പട്ടാമ്പി: തൊഴിലില്ലായ്മയും വിലക്കയറ്റവും കേന്ദ്രസര്‍ക്കാരിന്റെ വാഗ്ദാനലംഘനങ്ങളും നടത്തിയ ഭരണത്തെ ജനം വെറുത്തെന്ന് വി.കെ ശ്രീകണ്ഠന്‍ പറഞ്ഞു. പട്ടാമ്പി നിയോജകമണ്ഡലത്തില്‍ നടന്ന സ്ഥാനാര്‍ഥി പര്യടനത്തില്‍ സംസാരിക്കുകയായിരുന്നു അദ്ദേഹം. മതനിരപേക്ഷമായ ജനാധിപത്യമൂല്യങ്ങള്‍ ഉയര്‍ത്തിപ്പിടിക്കുന്ന ഭരണമാണ് നമുക്ക് വേണ്ടത്. അതിനായി ഐക്യ ജനാധിപത്യമുന്നണി അധികാരത്തില്‍ വരണം. പ്രളയക്കെടുതിയില്‍ മുങ്ങിയ പറളിപ്രദേശം കാണാന്‍പോലും എത്താത്ത ജനപ്രതിനിധിയാണ് ലോക്‌സഭയിലേക്ക് കഴിഞ്ഞ 10 വര്‍ഷമായി തിരഞ്ഞെടുക്കപ്പെട്ടത്.
രണ്ടുതവണയും പ്രവര്‍ത്തനം തീര്‍ത്തും പരാജയമായിരുന്നു. എല്ലാവര്‍ഷവും അഞ്ചുകോടി രൂപയോളം എം.പി ഫണ്ടായി ലഭിച്ചിട്ടും പാലക്കാട് ലോക്‌സഭാമണ്ഡലത്തില്‍ അടിസ്ഥാനസൗകര്യങ്ങള്‍പോലും ഒരുക്കിയിട്ടില്ല. പോകുന്നിടത്തുനിന്നെല്ലാം പരാതികള്‍മാത്രമാണ് കേള്‍ക്കുന്നത്. 10 വര്‍ഷം പരീക്ഷിച്ച് നിരാശമാത്രം ബാക്കിയായ ജനങ്ങള്‍ മാറ്റത്തിന് തയാറാകണം. ഇതിനായി ഐക്യ ജനാധിപത്യമുന്നണിക്ക് വോട്ട് ചെയ്യണം.
തന്നെ കൂടെ നിര്‍ത്തണമെന്നും ജനങ്ങള്‍ക്കൊപ്പം താന്‍ നില്‍ക്കുമെന്നും അദ്ദേഹം സംസാരത്തില്‍ കൂട്ടിചേര്‍ത്തു. നിയോജകമണ്ഡലത്തില്‍ നടന്ന പര്യടനത്തില്‍ യു.ഡി.എഫ് മണ്ഡലം നേതാക്കളും ജില്ലാനേതാക്കളും സംബന്ധിച്ചു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.