2019 July 21 Sunday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

മണ്ണിന്റെ മണമറിയാന്‍ അല്‍ ബിര്‍റ് കുരുന്നുകള്‍

തൃക്കരിപ്പൂര്‍: നാടിന്റെ കാര്‍ഷിക സംസ്‌കൃതിയോട് ഇണങ്ങി ചേരാനും മണ്ണിന്റെ മണമറിയാനും എടച്ചാക്കൈ അല്‍ബിര്‍റ് കുരുന്നുകള്‍ കൃഷിയിലേക്ക്. കുരുന്നു പ്രായത്തില്‍ തന്നെ കാര്‍ഷിക സംസ്‌കാരം കുട്ടികളില്‍ പകര്‍ന്നുനല്‍കുക എന്ന ലക്ഷ്യത്തോടെയാണ് ഓരോ വീട്ടിലും കൃഷിക്ക് തുടക്കം കുര്‍ക്കുന്നത്. പടന്ന കിനാത്തില്‍ കൃഷിഭവനുമായി സഹകരിച്ചാണ് കൃഷി ആരംഭിക്കുന്നത്. അധ്യയന വര്‍ഷത്തില്‍ മികച്ച അടുക്കളത്തോട്ടമൊരുക്കുന്ന വിദ്യാര്‍ഥിക്കും രക്ഷിതാവിനും പ്രത്യേക ഉപഹാരം നല്‍കി ആദരിക്കും.
കഴിഞ്ഞ ദിവസം സ്‌കുളില്‍ നടന്ന ചടങ്ങില്‍ അല്‍ബിര്‍റ് എ.ഡി ഇന്‍ചാര്‍ജ് ഫൈസല്‍ ഹുദവി വിത്ത് വിതരണോദ്ഘാടനം നിര്‍വഹിച്ചു. ഫാക്കല്‍റ്റി അഷ്‌റഫ് അണ്ടോണ, കോര്‍ഡിനേറ്റര്‍ പി. മുഹമ്മദലി, ഖമറുദ്ദീന്‍ കൈതക്കാട്, അധ്യാപികമാരായ ഹഫ്‌സത്ത്, ഫരീദ, സഫീറ, ഫാത്വിബി സംബന്ധിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.