2018 September 22 Saturday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

മടിക്കേരിക്കായി 25 കോടി ആവശ്യപ്പെടും

മടിക്കേരി: പ്രളയത്തിലും ഉരുള്‍പൊട്ടലിലും തകര്‍ന്നടിഞ്ഞ കുടക് ജില്ലയുടെ പ്രധാന നഗരും വിനോദസഞ്ചാര കേന്ദ്രവുമായ മടിക്കേരിയുടെ പുനര്‍നവീകരണത്തിനു 25 കോടി രൂപ കര്‍ണാടക സര്‍ക്കാരിനോട് ആവശ്യപ്പെടാന്‍ നഗരസഭാ കൗണ്‍സില്‍ യോഗം തീരുമാനിച്ചു. ആവശ്യം ഉന്നയിച്ച് മുഖ്യമന്ത്രി കുമാരസ്വാമിയെ നേരിട്ടുസമീപിക്കാനും ധാരണയായി. കഴിഞ്ഞ ഓഗസ്റ്റ് 17 മുതല്‍ കുടകിലുണ്ടായ പ്രളയത്തില്‍ മണ്ണിടിഞ്ഞും ഉരുള്‍പൊട്ടിയും നാശംവിതച്ച പ്രദേശമാണു മടിക്കേരി നഗരവും പരിസര ഗ്രാമങ്ങളും.
മടിക്കേരി നഗരസഭാ പരിധിയില്‍ 90 വീടുകള്‍ പൂര്‍ണമായും ഇരുന്നൂറോളം വീടുകള്‍ ഭാഗികമായും തകര്‍ന്നു. കഴിഞ്ഞദിവസങ്ങളില്‍ അഞ്ചു ദുരിതാശ്വാസ ക്യാംപുകള്‍ മടിക്കേരിയില്‍ മാത്രം പ്രവര്‍ത്തിച്ചിരുന്നു. മടിക്കേരി ചുറ്റളവില്‍ 50 കിലോമീറ്റര്‍ റോഡുകള്‍ ഗതാഗത യോഗ്യമല്ലാത്ത നിലയില്‍ തകര്‍ന്നിരുന്നു. പല റോഡുകളും മണ്ണിട്ട് നികത്തിയാണു താല്‍കാലിക ഗതാഗതസൗകര്യം ഒരുക്കിയത്. മടിക്കേരിയുടെ വീണ്ടെടുപ്പിനു കോടികളുടെ ചെലവ് വേണ്ടിവരും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.