2019 January 20 Sunday
ഒരു നല്ല വാക്ക് പറയുന്നതും അരോചകമായത് ക്ഷമിക്കുന്നതും ദ്രോഹം പിന്തുടരുന്ന ദാനത്തെക്കാള്‍ ഉല്‍കൃഷ്ടമാകുന്നു

മക്കയടക്കം സഊദിയുടെ വിവിധ ഭാഗങ്ങളില്‍ കനത്ത മഴ

മക്ക: പുണ്യനഗരിയായ മക്കയിലടക്കം സഊദിയുടെ വിവിധ ഭാഗങ്ങളില്‍ കനത്ത മഴയും കാറ്റും. രാത്രി ഏഴുമണിയോടെ വീശിയടിച്ച കാറ്റിനു പിന്നാലെ അസീസസിയയിലും പരിസര പ്രദേശങ്ങളിലും ശക്തമായ മഴയാണ് പെയ്തത്. ശക്തമായ കാറ്റില്‍ നിരവധി കടകളുടെ ബോര്‍ഡുകള്‍ ഇളകി വീണു.

മക്കയുടെ പല ഭാഗത്തും കാറ്റ് തുടരുകയാണ്. കൂടാതെ, തലസ്ഥാന നഗരിയായ റിയാദിലും പരിസരങ്ങളിലും ശക്തമായ കാറ്റിനൊപ്പം കനത്ത മിന്നലും മഴയും ഉണ്ടായി. റിയാദിലെ അല്‍ സൈമ, സുബുഹാ, അല്‍ സദ്ര്‍, അല്‍ ജനാറ, അല്‍ നഖീല്‍, അല്‍ ജിദീദ് തുടങ്ങിയ പ്രദേശങ്ങളിലാണ് ശക്തമായ ഇടിയോടെ മഴ പെയ്തത്.

കാലാവസ്ഥയിലുണ്ടായ വ്യതിയാനത്തില്‍ ശ്രദ്ധ പുലര്‍ത്തണമെന്നും ശക്തമായ മഴയത്തും കാറ്റത്തും ഡ്രൈവിങ് അടക്കമുള്ള കാര്യങ്ങളില്‍ നിന്നും വിട്ടു നില്‍ക്കണമെന്നും സിവില്‍ ഡിഫന്‍സ് മുന്നറിയിപ്പ് നല്‍കി.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.