2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

മകളുടെ വിവാഹത്തിന് 90 വീടുകള്‍ പാവങ്ങള്‍ക്ക് നിർമിച്ചു നല്‍കി വ്യവസായിയുടെ മാതൃക

മഹാരാഷ്ട്രയില്‍ വ്യവസായി മകളുടെ കല്യാണം ആഘോഷിച്ചത് കോടികള്‍ ചിലവാക്കിതന്നെയാണ്. എന്നാല്‍ അത് പാവപ്പെട്ടവനെ സഹായിച്ചുകൊണ്ടാണെന്നു മാത്രം. വിവാഹത്തിന് ആര്‍ഭാടങ്ങളെല്ലാം ഒഴിവാക്കി പകരം ആ തുകയ്ക്ക് 90 പാവപ്പെട്ടവര്‍ക്ക് വീട് നിര്‍മിച്ചു നല്‍കുകയാണ് ഈ കുടുംബം ചെയ്തത്. മഹാരാഷ്ട്രയിലെ ഔറംഗാബാദ് സ്വദേശിയായ അജയ് മുനോട്ട് ആണ് മകള്‍ ശ്രേയയുടെ വിവാഹദിനത്തില്‍ മറ്റുള്ളവര്‍ക്ക് മാതൃകയായത്.

1.5 കോടി രൂപയാണ് 90 വീടുകള്‍ നിര്‍മിക്കാനായി വ്യവസായിയായ അജയ് മുനോട്ട് ചെലവാക്കിയത്. ഒറ്റ മുറിയുള്ള ഈ വീടുകളില്‍ താമസിക്കാനായി ആളുകളെ തിരഞ്ഞെടുത്തത് മൂന്ന് മാനദണ്ഡങ്ങളുടെ അടിസ്ഥാനത്തിലാണ്. പാവപ്പെട്ടവരേയും വീടില്ലാത്തവരേയും തെരുവിലും ചേരികളിലും കഴിയുന്നവരേയും കണ്ടെത്തി അവര്‍ക്കായി വീട് നല്‍കി.

40 ഓളം പേര്‍ക്കാണ് ഇപ്പോള്‍ വീട് നല്‍കിയിട്ടുള്ളത്. കൂടുതല്‍ പേര്‍ വൈകാതെ എത്തുമെന്നാണ് പ്രതീക്ഷ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News