2020 August 13 Thursday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഭൂമി പതിവ് കമ്മിറ്റി ഉടന്‍ രൂപീകരിക്കണമെന്ന് ഹൈബി ഈഡന്‍

കൊച്ചി: എറണാകുളം വില്ലേജിന് കീഴില്‍ ചക്കാലക്കല്‍, കോയിത്തറ കോളനികളടക്കം നിയോജകമണ്ഡലത്തിലെ വിവിധ പ്രദേശങ്ങളില്‍ തോട് പുറമ്പോക്കില്‍ താമസിക്കുന്നവര്‍ക്ക് കൈവശാവകാശരേഖ നല്‍കുന്നതിനായി പുതിയ ഭൂമി പതിവ് കമ്മിറ്റി ധ്രുതഗതിയില്‍ രൂപീകരിക്കണമെന്ന് ഹൈബി ഈഡന്‍ എം.എല്‍.എ.
ഇന്നലെ ജില്ലാ കലക്ടര്‍ എം.ജി രാജമാണിക്യത്തിന് ഈ ആവശ്യം ഉന്നയിച്ച് എം.എല്‍.എ കത്ത് നില്‍കി. ചക്കാലക്കല്‍, കോയിത്തറ കോളനികളിലെല്ലാം താലൂക്ക്, വില്ലേജ് ഉദ്യോഗസ്ഥരുടെ നേതൃത്വത്തില്‍ സര്‍വ്വേ നടപടികള്‍ ഇതിനകം തന്നെ പൂര്‍ത്തീകരിച്ചിട്ടുണ്ട്. 80 ഓളം സാധാരണക്കാര കുടുംബങ്ങളാണ് ഈ പ്രദേശത്ത് ജീവിക്കുന്നത്.
കഴിഞ്ഞ സര്‍ക്കാരിന്റെ കാലത്ത് എറണാകുളം നിയോജകമണ്ഡലത്തില്‍ ഗാന്ധിനഗര്‍ ഉദയ കോളനി, തേവര മെയ്ദിന നഗര്‍ കോളനി എന്നിവിടങ്ങളില്‍ പട്ടയം നല്കിയിരുന്നു. വര്‍ഷങ്ങളായി തോട്, പുഴ പുറമ്പോക്കുകളില്‍ താമസിക്കുന്ന ഒട്ടനവധി കുടുംബങ്ങള്‍ ഉണ്ടെന്നും അവരുടെ പ്രശ്‌നങ്ങള്‍ പരിഹരിക്കുന്നതിന് മുന്‍ഗണന നല്കുമെന്നും ഹൈബി ഈഡന്‍ പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.