2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ഭൂമിയുടെ ഊഹക്കച്ചവടം നിയന്ത്രിക്കുന്നതിന് ലാന്റ് ബാങ്കുകള്‍ സ്ഥാപിക്കണം: ആര്‍.വി.ജി മേനോന്‍

കളമശേരി: പ്രളയത്തിന് ശേഷമുള്ള കേരളത്തിന്റെ പുനര്‍നിര്‍മ്മിതിയെക്കുറിച്ച് കൊച്ചി സര്‍വ്വകലാശാലയിലെ സെന്റര്‍ ഫോര്‍ ബഡ്ജറ്റ് സ്റ്റഡീസ് സംഘടിപ്പിച്ച ചര്‍ച്ച വൈസ് ചാന്‍സിലര്‍ ഡോ. ജെ ലത ഉദ്ഘാടനം ചെയ്തു. കുസാറ്റ് സ്‌കൂള്‍ ഓഫ് മാനേജ്‌മെന്റ് സ്റ്റഡീസ് ഡയറക്ടര്‍ ഡോ. ഡി മാവൂത്ത് അധ്യക്ഷനായി. ഡോ. എസ് ഹരികുമാര്‍, ഡോ. പി അരുണാചലം എന്നിവര്‍ ഉദ്ഘാടന സമ്മേളനത്തില്‍ സംസാരിച്ചു.
ഭൂമിയുടെ ഊഹക്കച്ചവടം നിയന്ത്രിക്കുന്നതിന് ലാന്റ് ബാങ്കുകള്‍ സ്ഥാപിക്കണമെന്ന് പ്രശസ്ത പരിസ്ഥിതി പ്രവര്‍ത്തകനും അനര്‍ട്ടിന്റെ മുന്‍ ഡയറക്ടറുമായ ഡോ. ആര്‍ വി ജി മേനോന്‍ ചര്‍ച്ചയ്ക്ക് തുടക്കമിട്ടുകൊണ്ട് പറഞ്ഞു. ഭൂമിയുമായി ബന്ധപ്പെട്ട ക്രയവിക്രയങ്ങള്‍ ലാന്റ് ബാങ്കുകളിലൂടെ ആക്കുക വഴി റിയല്‍ എസ്റ്റേറ്റ് ഏജന്റുമാരെ ഒഴിവാക്കാനും യഥാര്‍ത്ഥ ആവശ്യക്കാരെ മുന്നോട്ട് കൊണ്ട് വരാനും സാധിക്കും. പഞ്ചായത്തുകളും മുനിസിപ്പാലിറ്റികളും കൃത്യമായ ഡ്രെയിനേജ് മാപ്പുകള്‍ സൂക്ഷിക്കണം. പല യൂറോപ്യന്‍ രാജ്യങ്ങളിലും കൃഷിഭൂമി മറ്റാവശ്യങ്ങള്‍ക്കുപയോഗിക്കാതെ സംരക്ഷിക്കുന്നു. സുസ്ഥിര വികസനത്തിന്റെ അത്തരം മാതൃക നമുക്കും പിന്തുടരാന്‍ കഴിയണമെന്നും ഡോ. ആര്‍.വി.ജി മേനോന്‍ പറഞ്ഞു.
കേരള കാര്‍ഷിക സര്‍വ്വകലാശാല ഗവേഷണവിഭാഗം മേധാവി ഡോ. ഇന്ദിരാ ദേവി, ഹെല്‍ത്ത് ഇക്കണോമിക്‌സ് എമരിറ്റസ് പ്രൊഫസര്‍ ഡോ. കെ .ആര്‍ തങ്കപ്പന്‍, കുസാറ്റ് അറ്റ്‌മോസ്‌ഫെറിക്ക് സയന്‍സിലെ അധ്യാപകന്‍ ബി ചക്രപാണി നേതൃത്വം നല്‍കി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.