2020 June 01 Monday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഭീകരാന്തരീക്ഷം സൃഷ്ടിക്കുന്ന നടപടി പൊലിസ് അവസാനിപ്പിക്കണം: എന്‍.എ നെല്ലിക്കുന്ന്

കാസര്‍കോട്: നഗരത്തിലും പരിസര പ്രദേശങ്ങളിലും ജനങ്ങളില്‍ സുരക്ഷിത ബോധം ഉറപ്പുവരുത്തേണ്ട പൊലിസ് ഭീകരാന്തരീക്ഷം സൃഷ്ടിക്കുന്ന നടപടി അവസാനിപ്പിക്കണമെന്ന് എന്‍.എ നെല്ലിക്കുന്ന് എം.എല്‍.എ ആവശ്യപ്പെട്ടു.
വിരലിലെണ്ണാവുന്ന സാമൂഹ്യദ്രോഹികളുടെ അഴിഞ്ഞാട്ടം അവസാനിപ്പിക്കാന്‍ പൊലിസ് നടത്തുന്ന പ്രവര്‍ത്തനങ്ങള്‍ക്ക് പിന്തുണ നല്‍കേണ്ടത് അത്യന്താപേക്ഷിതമാണ്. ജനങ്ങളുടെ സഹകരണമുണ്ടെങ്കില്‍ മാത്രമേ ഇവര്‍ക്ക് കാര്യനിര്‍വഹണം നടത്താന്‍ കഴിയുകയുള്ളൂ. ജനങ്ങളുടെ സഹകരണം തേടുന്നതിന് പകരം അവരെ ശത്രുക്കളായി കരുതുന്ന പൊലിസ് നിലപാട് അംഗീകരിക്കാനാകില്ലെന്നും അദ്ദേഹം പത്രക്കുറിപ്പിലൂടെ അറിയിച്ചു. ഉറങ്ങുന്ന നഗരമല്ല ഉണര്‍ന്നു കിടക്കുന്ന നഗരമാണു നാടിന്റെ ഐശ്വര്യവും സമാധാനത്തിന്റെ ദൃഷ്ടാന്തവും. കണ്ണില്‍ കണ്ട ആളുകളെ ചീത്തവിളിച്ച് വിരട്ടിയോടിക്കുകയും ഹോട്ടലുകളടക്കമുള്ള  കച്ചവടസ്ഥാപനങ്ങള്‍ പൂട്ടിക്കുകയും ചെയ്താല്‍ സമാധാനത്തിനു പകരം വിപരീത ഫലമാണുണ്ടാവുക.
ഊഹാപോഹങ്ങള്‍ പരത്തി അന്തരീക്ഷം കൂടുതല്‍ വഷളാക്കാനും സമാധാനാന്തരീക്ഷം തകര്‍ക്കാനും സാമൂഹ്യദ്രോഹികള്‍ക്ക് നല്ല അവസരമാണ് ഇതുകാരണമായി  ലഭിക്കുന്നത്. ജനങ്ങളുടെ വിശ്വാസം ആര്‍ജിച്ചു സേന  വിവേകത്തോടെ പ്രവര്‍ത്തിക്കണമെന്നും അദ്ദേഹം ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.