2019 July 19 Friday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ബൂത്തുകളിലെ വെബ്കാസ്റ്റിംഗ് ഫലപ്രദമായി

പത്തനംതിട്ട: നിയമസഭാ തിരഞ്ഞെടുപ്പില്‍ ജില്ലയിലെ സെന്‍സിറ്റീവായ 91 ബൂത്തുകളും 21 വള്‍നറബിള്‍ ബൂത്തുകളും ഉള്‍പ്പടെ 112 ബൂത്തുകളില്‍ ജില്ലാ തിരഞ്ഞെടുപ്പ് ഓഫീസറും ജില്ലാ കലക്ടറുമായ എസ്. ഹരികിഷോറിന്റെ നേതൃത്വത്തില്‍ അക്ഷയ മുഖേന ഏര്‍പ്പെടുത്തിയ വെബ്കാസ്റ്റിംഗ് സമ്പൂര്‍ണ വിജയമായി. അക്ഷയ, നാഷണല്‍ ഇന്‍ഫര്‍മാറ്റിക്‌സ് സെന്റര്‍, ജില്ലാ ഐടി സെല്‍(റവന്യു), ബിഎസ്എന്‍എല്‍, കെഎസ്ഇബി എന്നിവയുടെ മികവുറ്റ ഏകോപനം വോട്ടെടുപ്പ് നടപടിക്രമങ്ങളുടെ തത്സമയ സംപ്രേഷണം തടസമില്ലാതെ നടത്താന്‍ വഴിയൊരുക്കി.
പ്രശ്‌നബാധിത ബൂത്തുകളിലെ വോട്ടെടുപ്പ് നടപടികള്‍ കലക്ട്രേറ്റില്‍ ഒരുക്കിയ കണ്‍ട്രോള്‍ റൂം മുഖേന ജില്ലാ കലക്ടര്‍ നിരീക്ഷിക്കുകയും തല്‍സമയം ആവശ്യമായ നിര്‍ദേശങ്ങള്‍ നല്‍കുകയും ചെയ്തു. കള്ള വോട്ട് ഉള്‍പ്പടെയുള്ള പ്രശ്‌നങ്ങള്‍ ഒഴിവാക്കി വോട്ടെടുപ്പ് സുതാര്യവും സുഗമവും ആക്കുന്നതിന് വെബ് കാസ്റ്റിംഗ് സഹായകരമായി. ഇലക്ഷന്‍ കലക്ടര്‍ ഐ. അബ്ദുള്‍സലാം, എന്‍.ഐ.സി ഓഫീസര്‍മാരായ ജിജി ജോര്‍ജ്, ആലീസ് ആന്‍ഡ്രൂസ് കോട്ടിരി, അക്ഷയ ജില്ലാ പ്രോജക്ട് മാനേജര്‍ കെ. ധനേഷ്, ബി.എസ്.എന്‍.എല്‍ എജിഎം ഷൈനി സെബാസ്റ്റ്യന്‍, ജില്ലാ ഐ.ടി സെല്‍ കോ-ഓര്‍ഡനേറ്റര്‍ ഷിബു തോമസ് എന്നിവര്‍ കലക്ട്രേറ്റില്‍ ഒരുക്കിയ കണ്‍ട്രോള്‍ റൂം പ്രവര്‍ത്തനങ്ങള്‍ക്ക് നേതൃത്വം നല്‍കി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.