2018 November 20 Tuesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

ബുദ്ധ സന്യാസിയുടെ വധം: മൂന്നു പേര്‍ പിടിയില്‍

ധാക്ക: ബംഗ്ലാദേശില്‍ ബുദ്ധ സന്യാസിയെ കൊലപ്പെടുത്തിയ കേിസില്‍ പ്രതികളെന്ന് സംശയിക്കുന്ന മൂന്ന് പേരെ കസ്റ്റഡിയിലെടുത്തു. ബന്ദര്‍ബന്‍ ജില്ലയിലാണ് സംഭവം. അബ്ദുറഹ്മാന്‍ (25), മുഹമ്മദ് സിയ (26), സാ മോങ് ചക് (35) എന്നിവരാണ് പിടിയിലായത്.
ഇവരുടെ വീടുകളില്‍ നിന്നാണ് പ്രതികളെ അറസ്റ്റ് ചെയ്തതെന്ന് പൊലിസ് പറഞ്ഞു. 73 കാരനായ ബുദ്ധസന്യാസി ഉ ദാമ ഒയാങ് ചാ ബിക്കു ആണ് കഴിഞ്ഞ ദിവസം കൊല്ലപ്പെട്ടത്. പിടിയിലായ രണ്ടു പേര്‍ റോംഹിംഗ്യന്‍ വിഭാഗക്കാരാണെന്ന് സംശയമുണ്ട്. ബുദ്ധ ക്ഷേത്രത്തിനു സമീപം ഇവര്‍ റോന്തുചുറ്റുന്നത് നാട്ടുകാര്‍ കണ്ടതായി പൊലിസ് പറഞ്ഞു.
തന്റെ ജീവന് ഭീഷണിയുണ്ടെന്ന് സന്യാസി മകനോട് പറഞ്ഞിരുന്നു. ക്ഷേത്രത്തിനു സമീപം അജ്ഞാതരായ ആളുകള്‍ വന്നുപോകുന്നതായാണ് ഇദ്ദേഹം മകനോട് പറഞ്ഞത്. സന്യാസിയുടെ കൊലപാതകത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.