2018 November 21 Wednesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

ബിഷപ്പിനെ ശക്തമായ തെളിവുകളോടെ അറസ്റ്റ് ചെയ്യും: ഇ.പി ജയരാജന്‍

 

തിരുവനന്തപുരം: കന്യാസ്ത്രീയുടെ പീഡന പരാതിയില്‍ ജലന്ധര്‍ ബിഷപ്പിനെ ശക്തമായ തെളിവുകളുടെ അടിസ്ഥാനത്തില്‍ അറസ്റ്റ് ചെയ്യാനാണ് പൊലിസ് ശ്രമിക്കുന്നതെന്ന് മന്ത്രി ഇ.പി ജയരാജന്‍ വാര്‍ത്താസമ്മേളനത്തില്‍ പറഞ്ഞു.
ബിഷപ്പിനെതിരായ പരാതിയില്‍ കുറ്റമറ്റ അന്വേഷണമാണ് നടക്കുന്നത്. സര്‍ക്കാര്‍ ഇരയോടൊപ്പമാണ്. കുറ്റവാളികളെ സംരക്ഷിക്കുന്ന ഒരു നിലപാടും സര്‍ക്കാരിന്റെ ഭാഗത്ത് നിന്നുണ്ടാകില്ല. ഷൊര്‍ണൂര്‍ എം.എല്‍.എ പി.കെ ശശിക്കെതിരായ ലൈംഗികാരോപണ പരാതിയെ കുറിച്ച് പാര്‍ട്ടി പരിശോധിയ്ക്കുന്നുണ്ട്. കന്യാസ്ത്രീകളെ അപമാനിച്ച പി.സി ജോര്‍ജിനെതിരേ ആരും പരാതി തന്നിട്ടില്ലെന്നും ജയരാജന്‍ വ്യക്തമാക്കി.
മന്ത്രിസഭാ യോഗം നടക്കാത്തത് മന്ത്രിമാര്‍ ജില്ലകളില്‍ ദുരിതാശ്വാസ ഫണ്ട് ഏറ്റുവാങ്ങുന്ന പ്രവര്‍ത്തനത്തിലായതുകൊണ്ടാണ്. കൂടാതെ മന്ത്രിസഭാ അടിയന്തിരമായി സ്വീകരിക്കേണ്ട ഒരു നടപടിയും ഇല്ല.
ആവശ്യമുണ്ടെങ്കില്‍ മന്ത്രിസഭാ യോഗം കൂടുമെന്നും ആര്‍ഭാടങ്ങള്‍ ഒഴിവാക്കി ആഘോഷങ്ങള്‍ നടത്തുന്നതിനെ കുറിച്ച് ആലോചിക്കുന്നുണ്ടെന്നും, സംസ്ഥാന പുനര്‍നിര്‍മാണം സംബന്ധിച്ച് കെ.പി.എം.ജി പെട്ടെന്ന് തന്നെ റിപ്പോര്‍ട്ട് നല്‍കുമെന്നും അദ്ദേഹം കൂട്ടിച്ചേര്‍ത്തു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.