2018 December 13 Thursday
പരിഹസിക്കപ്പെടുന്നത് അവഗണിക്കപ്പെടുന്നതിനേക്കാള്‍ നല്ലതാണ് – ഹാരോള്‍ഡ് മാക്മില്ലന്‍

ബാഴ്‌സലോണയില്‍ താന്‍ സന്തുഷ്ടനല്ലെന്ന് വിദാല്‍

 

ബാഴ്‌സലോണ: ബയേണ്‍ മ്യൂണിക്കില്‍നിന്ന് ബാഴ്‌സലോണയിലെത്തിയ ചിലി താരം അര്‍തുറോ വിദാല്‍ ടീമില്‍ താന്‍ സന്തുഷ്ടനല്ലെന്ന് വ്യക്തമാക്കി. ചിലിയിലെ ഒരു മാധ്യമത്തിന് അനുവദിച്ച അഭിമുഖത്തിലാണ് വിദാല്‍ ഇക്കാര്യം വ്യക്തമാക്കിയത്. പല മത്സരങ്ങളിലും കളിക്കാന്‍ അവസരം കിട്ടാതെ ബെഞ്ചിലിരിക്കേണ്ടി വരികയാണ്. ഈ അവസ്ഥയില്‍ എങ്ങനെയാണ് സന്തോഷിക്കുകയെന്ന് വിദാല്‍ ചോദിച്ചു. ബാഴ്‌സയിലെത്തിയിട്ട് അധിക മത്സരത്തിലും വിദാല്‍ ബെഞ്ചിലായിരുന്നു. ചില മത്സരങ്ങളില്‍ ആദ്യ 20ല്‍ പോലും വിദാലിനെ ഉള്‍പ്പെടുത്തിയിരുന്നില്ല. ഇതിനെ തുടര്‍ന്ന് വിദാല്‍ സോഷ്യല്‍ മീഡിയയില്‍ ഇക്കാര്യം തുറന്ന് പറഞ്ഞിരുന്നു. ഇത് രണ്ടാം തവണയാണ് വിദാല്‍ തന്നെ തഴയുന്നുണ്ടെന്നകാര്യം വ്യക്തമാക്കിയത്. താന്‍ പലപ്രമുഖ ടീമുകള്‍ക്ക് വേണ്ടിയും കളിച്ചതാണെന്നും എല്ലാ പ്രധാനകിരീടങ്ങളും നേടിയിട്ടുണ്ടെന്നും അതുകൊണ്ട് തന്നെ കളിക്കാതിരിക്കുമ്പോള്‍ സന്തോഷിക്കാനാവില്ലെന്നും വിദാല്‍ പറഞ്ഞു. ഇനി പ്രധാനപ്പെട്ട മത്സരങ്ങളാണ് ബാഴ്‌സക്കുള്ളത്. പ്രതീക്ഷയോടെ കാത്തിരിക്കുകയാണെന്നും വിദാല്‍ കൂട്ടിച്ചേര്‍ത്തു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.