2017 December 08 Friday
വിയര്‍പ്പ് വറ്റുന്നതിനു മുമ്പ് തൊഴിലാളിക്ക് അവന്റെ കൂലി കൊടുക്കുക
മുഹമ്മദ് നബി(സ)

ബാബരി മസ്ജിദ്: കോണ്‍ഗ്രസ് രാഷ്ട്രീയ നേട്ടത്തിന് ശ്രമിക്കുന്നുവെന്ന് മോദി

അഹമ്മദാബാദ്: 2019ലെ പൊതു തെരഞ്ഞെടുപ്പില്‍ ബാബരി മസ്ജിദ് വിഷയത്തെ പെരുപ്പിച്ചുകാണിച്ച് രാഷ്ട്രീയ നേട്ടമുണ്ടാക്കാന്‍ കോണ്‍ഗ്രസ് ശ്രമിക്കുന്നുവെന്ന് പ്രധാനമന്ത്രി നരേന്ദ്ര മോദി.
ഗുജറാത്തിലെ ദന്തുകയില്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം. സുപ്രിം കോടതിയില്‍ ബാബരി മസ്ജിദ് കേസില്‍ കോണ്‍ഗ്രസ് നേതാവും അഭിഭാഷകനുമായ കപില്‍ സിബല്‍ വാദിക്കുന്നതുകണ്ടു. അതിന് അദ്ദേഹത്തിന് അവകാശമുണ്ട്.
2019ലെ തെരഞ്ഞെടുപ്പിന് ശേഷം കേസ് പരിഗണിച്ചാല്‍ മതിയെന്നാണ് അദ്ദേഹം വാദിച്ചത്. എന്നാല്‍ തെരഞ്ഞെടുപ്പും ബാബരി മസ്ജിദ് കേസും തമ്മില്‍ ബന്ധപ്പെടുത്താന്‍ അദ്ദേഹം ശ്രമിക്കുന്നത് എന്തിനാണ്. ഇത്തരമൊരു ചിന്ത ശരിയായതാണോയെന്നും മോദി ചോദിക്കുന്നു.
മുത്വലാഖ് വിഷയത്തില്‍ താനൊരിക്കലും മൗനം പാലിക്കില്ല. അത് സ്ത്രീകളുടെ അവകാശങ്ങള്‍ക്കുവേണ്ടിയാണ്. അത് തെരഞ്ഞെടുപ്പ് വിഷയമല്ല, ആദ്യം മനുഷ്യത്വം പിന്നീട് തെരഞ്ഞെടുപ്പ് എന്നതാണ് തന്റെ നയമെന്നും അദ്ദേഹം വ്യക്തമാക്കി.
ഗുജറാത്തില്‍ സാങ്കേതിക വിദ്യാഭ്യാസ സ്ഥാപനങ്ങള്‍ കൂടുതലായി തുടങ്ങും.
യുവാക്കളെ സ്വയം പര്യാപ്തരാക്കുകയെന്നതാണ് ബി.ജെ.പിയുടെ ലക്ഷ്യമെന്നും മോദി പറഞ്ഞു.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.