2019 April 18 Thursday
ഒരാളുടെ ഉപദ്രവത്തില്‍ നിന്നും അവന്റെ അയല്‍വാസി നിര്‍ഭയനായില്ലെങ്കില്‍ അവന്‍ സ്വര്‍ഗത്തില്‍ പ്രവേശിക്കുകയില്ല -മുഹമ്മദ് നബി (സ)

ബഹ്‌റൈന്‍ എസ്.കെ.എസ്.എസ്.എഫ് സ്വാതന്ത്ര ദിന പ്രോഗാം 17ന്

പ്രവര്‍ത്തക സംഗമം ഇന്ന് (10ന് വെള്ളിയാഴ്ച) മനാമയില്‍

ഉബൈദുല്ല റഹ് മാനി

മനാമ: ഇന്ത്യന്‍ സ്വാതന്ത്ര്യദിനത്തോടനുബന്ധിച്ച് ബഹ്‌റൈന്‍ എസ്.കെ.എസ്.എസ്.എഫ് സംഘടിപ്പിക്കുന്ന സ്വതന്ത്ര ദിന പരിപാടി ആഗസ്റ്റ് 17ന് വെള്ളിയാഴ്ച മനാമയില്‍ നടക്കുമെന്ന് ഭാരവാഹികള്‍ അറിയിച്ചു. ‘സ്വാതന്ത്ര്യം, സൗഹാര്‍ദ്ധം, സമാധാനം’ എന്ന പ്രമേയത്തിലാണ് ബഹ്‌റൈന്‍ എസ്.കെ.എസ്.എസ്.എഫ് സ്വാതന്ത്ര ദിന പരിപാടി സംഘടിപ്പിക്കുന്നത്. ഇന്ത്യക്കകത്തും പുറത്തും ഗള്‍ഫ് രാഷ്ട്രങ്ങളിലുമായി എസ്.കെ.എസ്.എസ്.എഫ് കേന്ദ്ര കമ്മറ്റി സംഘടിപ്പിക്കുന്ന ഫ്രീഡം സ്‌ക്വയര്‍ ദേശീയോദ്ഗ്രഥന സ്വാതന്ത്രദിന സംഗമങ്ങളുടെ ഭാഗമായാണ് ബഹ്‌റൈനില്‍ ഈ പരിപാടി നടക്കുന്നത്.

ആഗസ്റ്റ് 17 ന് വെള്ളിയാഴ്ച രാത്രി 8.30ന് മനാമ സമസ്ത ഓഡിറ്റോറിയത്തില്‍ നടക്കുന്ന പരിപാടി സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ ഉദ്ഘാടനം ചെയ്യും. പ്രമുഖ വാഗ്മിയും യുവ പണ്ഢിതനുമായ ബഹാഉദ്ധീന്‍ റഹ് മാനി പുവ്വാട്ടു പറന്പ് ദമാം മുഖ്യപ്രഭാഷണം നടത്തും.

ചടങ്ങില്‍ ബഹ്‌റൈനിലെ മത സമൂഹിക സാംസ്‌കാരിക രംഗത്തെ പ്രമുഖരും മറ്റു നേതാക്കളും പങ്കെടുക്കും. പ്രോഗ്രാമിനു മുന്നോടിയായി വിവിധ ഏരിയികളിലെ പ്രവര്‍ത്തകരെ സംഘടിപ്പിച്ച് ഇന്ന് (10ന് വെള്ളിയാഴ്ച) രാത്രി 7.മണിക്ക് പ്രവര്‍ത്തകരുടെ സംഗമം വിളിച്ചു ചേര്‍ത്തിട്ടുണ്ടെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് +973 3345 0553 എന്ന നന്പറില്‍ ബന്ധപ്പെടുക.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.