2019 July 23 Tuesday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

ബഹ്‌റൈനില്‍ കാറിന്റെ ഗ്ലാസ് തകര്‍ത്ത് മലയാളിയുടെ പണവും ചെക്കും കവര്‍ന്നു

ഉബൈദുല്ല റഹ്മാനി

മനാമ: ബഹ്‌റൈനില്‍ പ്രവാസി മലയാളിയുടെ കാറിന്റെ ഗ്ലാസ്സ് തകര്‍ത്ത് 1300 (ഏകദേശം 2,45,000 രൂപ)ദിനാറും ബാങ്ക് ചെക്കുകളും മോഷണം പോയി.
കണ്ണൂര്‍ സ്വദേശിയായ പ്രവാസി മലയാളിക്കാണ് ഈ ദുരനുഭവം.

തിങ്കളാഴ്ച ഉച്ചയോടെയാണ് സംഭവം. മനാമയിലെ റിജന്‍സി ഹോട്ടലിനു സമീപത്തെ പാര്‍ക്കിംഗ് ഏരിയയില്‍ വാഹനം പാര്‍ക്ക് ചെയ്ത് സമീപത്തെ ഓഫീസില്‍ പോയി തിരിച്ചെത്തിയപ്പോഴാണ് വാഹനത്തിന്റെ സൈഡ് ഗ്ലാസ്സ് തകര്‍ത്തതായും അകത്തു സൂക്ഷിച്ചിരുന്ന കാശും ബാങ്ക് ചെക്കുകളും മറ്റു ചില രേഖകളും നഷ്ടപ്പെട്ടതായി കണ്ടെത്തിയത്.

മനാമ പൊലിസില്‍ പരാതി നല്‍കി. വാഹനം പാര്‍ക്ക് ചെയ്ത് മൂന്നു മിനുറ്റിനുള്ളില്‍ താന്‍ തിരിച്ചെത്തിയതായും ഇതിനിടയിലാണ് മോഷണം നടന്നതെന്നും പരാതിയില്‍ അറിയിച്ചു.

മലയാളിയുടെ പേരുവിവരങ്ങള്‍ അധികൃതര്‍ പുറത്തുവിട്ടിട്ടില്ല. പൊലിസ് അന്വേഷണമാരംഭിച്ചിട്ടുണ്ട്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.