2019 August 22 Thursday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ബലികര്‍മ്മത്തിനായി ഇറക്കുമതി ചെയ്യുന്നത് 11 ലക്ഷം ആടുകളെ

അബ്ദുസ്സലാം കൂടരഞ്ഞി

മക്ക: ഈ വര്‍ഷത്തെ ഹജ്ജ് കര്‍മത്തില്‍ ബലിയറുക്കാനായി വിദേശ രാജ്യങ്ങളില്‍ നിന്നും 11 ലക്ഷം ആടുകളെ ഇറക്കുമതി ചെയ്യും.

114000 ആടുകളെയാണ് ഇറക്കുമതി ചെയ്യുകയെന്ന് മക്ക പ്രവിശ്യ ജല കൃഷി മന്ത്രാലയ ശാഖാ മേധാവി ഡോ: ഉമര്‍ അല്‍ ഫഖീഹ് പറഞ്ഞു. ഇതിനകം തന്നെ മുക്കാല്‍ ലക്ഷത്തോളം ആടുകളെ ഇറക്കുമതി ചെയ്തിട്ടുണ്ട്.

ബാക്കി ആടുകളുടെ ഇറക്കുമതി ഉടന്‍ പൂര്‍ത്തിയാക്കുമെന്നും ഹജ് സീസണ്‍ മുന്നില്‍ കണ്ടു കൊണ്ടുള്ള സംവിധാനങ്ങളും തയ്യാറെടുപ്പുകളും പൂര്‍ത്തിയായിട്ടുണ്ടെന്നും അദ്ദേഹം പറഞ്ഞു.

ബലിമൃഗങ്ങളെ ജിദ്ദ ഇസ്‌ലാമിക് തുറമുഖം വഴിയാണ് ഇറക്കുമതി ചെയ്യുന്നത്. ഓരോ മൃഗത്തെയും പ്രത്യേകം പരിശോധനക്ക് വിധേയമാക്കി രോഗങ്ങളോ മറ്റു കേടുപാടുകളോ ഇല്ലെന്ന് ഉറപ്പു വരുത്തിയാണ് പുറത്തിറക്കുന്നത്. ഇതിനായി വെറ്റിനറി ഡോകടര്‍മാരെയടക്കം വന്‍ സജ്ജീകരണങ്ങള്‍ ഒരുക്കിയിട്ടുണ്ട്. മക്ക പ്രവേശന കവാടത്തിലും കാലികളുടെ ഉറവിടവും രോഗമുക്തമാണെന്ന് ഉറപ്പു വരുത്തുന്നതിനും ചെക്ക് പോയന്റുകളും സ്ഥാപിച്ചിട്ടുണ്ട്.

മക്കയില്‍ പ്രവേശിക്കുന്ന കാലികളെ പരിശോധിക്കുന്നതിനും നമ്പറുകള്‍ നല്‍കുന്നതിനും മൃഗസംരക്ഷണ നിയമവും കാലി സമ്പത്ത് നിയമവും നടപ്പാക്കുന്നുണ്ടെന്ന് ഉറപ്പു വരുത്തുന്നതിനും ജിദ്ദ, ലൈത്ത്, ജുമൂം എന്നിവിടങ്ങളില്‍ മന്ത്രാലയം ഓഫീസുകള്‍ സ്ഥാപിച്ചിട്ടുണ്ടെന്നും ഇവിടങ്ങളില്‍ ഫീല്‍ഡ് വെറ്റിനറി ഓഫീസര്‍മാരെ നിയമിച്ചിട്ടുണ്ടെന്നും ഡോ: ഉമര്‍ അല്‍ ഫഖീഹ് പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.