2017 April 29 Saturday
യുദ്ധം ഒരിക്കലും ആരാണ് ശരി എന്ന് നിര്‍ണയിക്കുന്നില്ല, ആരാണ് ബാക്കിയുള്ളതെന്നേ തീരുമാനിക്കുന്നുള്ളൂ.
ബര്‍ട്രന്‍ഡ് റസല്‍

ബഗ്ദാദിലെ ചാവേര്‍ സ്‌ഫോടനം: ഉത്തരവാദിത്വം ഐ.എസ് ഏറ്റെടുത്തു

17car0109

ബഗ്ദാദ്: കഴിഞ്ഞ ദിവസം ബഗ്ദാദിലുണ്ടായ ഇരട്ട ചാവേര്‍ സ്‌ഫോടനത്തിന്റെ ഉത്തരവാദിത്വം ഐ.എസ് ഏറ്റെടുത്തു. ഞായറാഴ്ച ബാഗ്ദാദ് മാര്‍ക്കറ്റിലുണ്ടായ ചാവേര്‍ സ്‌ഫോടനത്തില്‍ 16 പേര്‍ കൊല്ലപ്പെട്ടിരുന്നു.

അല്‍വാത്-ജാമില മാര്‍ക്കറ്റില്‍ ചരക്കു ലോറി പൊട്ടിത്തെറിച്ചായിരുന്നു ആദ്യ സ്‌ഫോടനം. ഇതില്‍ 11 പേര്‍ കൊല്ലപ്പെടുകയും 25 പേര്‍ക്ക് പരുക്കേല്‍ക്കുകയും ചെയ്തിരുന്നു. രണ്ടാമത്തെ സ്‌ഫോടനം ബലദിയാത്തില്‍ ചാവേര്‍ സ്വന്തം ശരീരത്തിലെ ബോംബ് പൊട്ടിത്തെറിക്കുകയായിരുന്നു.

ഇവിടെ അഞ്ച് പേര്‍ കൊല്ലപ്പെടുകയും 12 പേര്‍ക്ക് പരുക്കേല്‍ക്കുകയും ചെയ്തിരുന്നു. ഐ.എസ്.ഐ.എസ് മീഡിയാ വിഭാഗമാണ് ഉത്തരവാദിത്വം ഏറ്റെടുത്ത് കൊണ്ടുള്ള വാര്‍ത്ത ട്വിറ്ററിലൂടെ പുറത്തുവിട്ടത്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.