2019 May 23 Thursday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

ബംഗ്ലാദേശി സന്യാസിയുടെ കൊലപാതകം: ഐ.എസ് ഉത്തരവാദിത്തമേറ്റു

ധാക്ക: ബംഗ്ലാദേശില്‍ ഹിന്ദു സന്യാസി കൊല്ലപ്പെട്ട സംഭവത്തിന്റെ ഉത്തരവാദിത്തം ഐ.എസ് ഏറ്റെടുത്തു. കഴിഞ്ഞ ദിവസമാണ് പാബ്‌ന ജില്ലയില്‍ അറുപതുകാരനായ നിത്യാരഞ്ജന്‍ പാണ്ഡെ എന്ന സന്യാസിയെ കഴുത്തറുത്തു കൊല്ലപ്പെട്ട നിലയില്‍ കണ്ടെത്തിയത്. പ്രഭാത സവാരിക്കിടെയാണ് താക്കൂര്‍ അനുകൂല്‍ ചന്ദ്ര സസ്താങ്ക പരംതീര്‍ഥ ഹെമയത്പുര്‍ദം ആശ്രമവുമായി ബന്ധപ്പെട്ടു പ്രവര്‍ത്തിക്കുന്ന സന്യാസി ആക്രമണത്തിനിരയായത്. ദിവസങ്ങളായി മതന്യൂനപക്ഷങ്ങളെ ലക്ഷ്യംവച്ചു നിരവധി ആക്രമണങ്ങളാണ് ബംഗ്ലാദേശില്‍ നടക്കുന്നത്.

നേരത്തേ മറ്റൊരു ഹിന്ദു സന്യാസിയും കൊല്ലപ്പെട്ടിരുന്നു. കേസ് അന്വേഷണത്തിനിടെ നിരോധിത സംഘടനയില്‍പ്പെട്ട രണ്ടു പേരെ പൊലിസ് വെടിവച്ച് കൊലപ്പെടുത്തുകയും നിരവധി പേരെ അറസ്റ്റ് ചെയ്യുകയും ചെയ്തിരുന്നു. മനുഷ്യാവകാശ പ്രവര്‍ത്തകരും ബ്ലോഗര്‍മാരുമുള്‍പ്പെടെ നിരവധി പേരാണ് അടുത്തിടെ ബംഗ്ലാദേശില്‍ കൊല്ലപ്പെട്ടിരുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.