2019 December 07 Saturday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

ഫ്യുജി പര്‍വതത്തിന് മുകളില്‍ നിന്ന് സോഷ്യല്‍ മീഡിയയില്‍ വിഡിയോ അയക്കുന്നതിനിടെ കാല്‍വഴുതി വീണ് യുവാവ് മരിച്ചു

ടോക്യോ: ജപ്പാനിലെ ഏറ്റവും ഉയര്‍ന്ന മഞ്ഞുമലയായ ഫ്യുജി പര്‍വതത്തിനു മുകളില്‍ കയറി സോഷ്യല്‍ മീഡിയയില്‍ തല്‍സമയ വിവരണം നല്‍കുന്നതിനിടെ കാല്‍ വഴുതി വീണ് യുവാവ് മരിച്ചു. ഇയാളുടെ മൃതദേഹം ഇന്നലെ ഉച്ചയ്ക്കുശേഷം സുരക്ഷാസേന കണ്ടെത്തിയതായി പൊലിസ് അറിയിച്ചു.
ലൈവ് സ്ട്രീമിങ് കണ്ടുകൊണ്ടിരുന്നവര്‍ പൊലിസില്‍ അറിയിച്ചതോടെയാണ് സംഭവം പുറത്തറിയുന്നത്. വീഴുന്നതും ഇടക്കിടെ വിഡിയോ നിലയ്ക്കുന്നതും ലൈവില്‍ ഉണ്ട്. വിഡിയോയുടെ അവസാന സമയം മരവിപ്പിക്കുന്ന തണുപ്പിനെ കുറിച്ചും കട്ടിയേറിയ മഞ്ഞുമലയെ കുറിച്ചും വഴുതിവീഴാന്‍ സാധ്യതയുള്ള ഉപരിതലത്തെ കുറിച്ചുമൊക്കെയാണ് അയാള്‍ പറഞ്ഞിരുന്നത്. ഇത് കണ്ടുകൊണ്ടിരുന്ന നിരവധി പേര്‍ അപകടകരമായ സ്ഥലത്ത് നിന്ന് ലൈവ് വിടുന്നതിനെതിരേ മുന്നറിയിപ്പ് നല്‍കിയിരുന്നു.
അഗ്നിപര്‍വതങ്ങള്‍ പതിവായ ഫ്യുജി പര്‍വതത്തില്‍ ഓരോ വര്‍ഷവും ആയിരക്കണക്കിനു പര്‍വതാരോഹകര്‍ എത്താറുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News