2018 August 18 Saturday
സ്വാതന്ത്ര്യം തന്നെയമൃതം, സ്വാതന്ത്ര്യം തന്നെ ജീവിതം പാരതന്ത്ര്യം മാനികള്‍ക്ക് മൃതിയേക്കാള്‍ ഭയാനകം
 കുമാരനാശാന്‍

പ്ലസ്ടു മാനേജ്‌മെന്റ് സീറ്റ് മെറിറ്റിലേക്ക് മാറ്റിയതായി പരാതി

 

കക്കട്ടില്‍: നരിപ്പറ്റ ആര്‍.എന്‍.എം ഹയര്‍ സെക്കന്‍ഡറി സ്‌കൂള്‍ പ്ലസ്ടു വിഭാഗത്തിലെ മാനേജ്‌മെന്റ് ക്വാട്ട മെറിറ്റിലേക്ക് മാറ്റിയതായി പരാതി.
ആര്‍.സി.ഡിക്ക് ലഭിച്ച വ്യാജ പരാതിയെ തുടര്‍ന്ന് യാതൊരു അന്വേഷണവും നടത്താതെയാണ് നടപടിയെന്ന് മാനേജ്‌മെന്റ് കമ്മിറ്റി അംഗങ്ങള്‍ പറഞ്ഞു. മൂന്ന് ബാച്ചുകളിലായി 180 സീറ്റാണ് സ്‌കൂളിലുള്ളത്. ഇതില്‍ ഓരോ ബാച്ചിലും 18 എണ്ണം വീതം മാനേജ്‌മെന്റ് ക്വാട്ടയാണ്. ഇത്തവണ പ്ലസ് വണ്‍ അലോട്ട്‌മെന്റ് വന്നപ്പോഴാണ് മൂന്ന് ബാച്ചുകളിലായുള്ള മാനേജ്‌മെന്റ് വിഹിതമായ 54 സീറ്റും മെറിലേറ്റ് മാറ്റിയതായി കാണുന്നത്. മലയോര മേഖലയിലുള്ള സ്‌കൂളിലെ ഹൈസ്‌കൂള്‍ വിഭാഗത്തില്‍ നിന്ന് പത്താംതരം വിജയിച്ച മാര്‍ക്ക് കുറഞ്ഞ വിദ്യാര്‍ഥികള്‍ക്കാണ് ഇവിടുത്തെ മാനേജ്‌മെന്റ് സീറ്റുകള്‍ ലഭിക്കാറ്. ഇത്തവണ അത്തരം കുട്ടികളുടെ അവസരം നിഷേധിക്കപ്പെട്ടിരിക്കുകയാണെന്ന് മാനേജ്‌മെന്റ് പ്രതിനികള്‍ പറയുന്നു. കുന്നുമ്മല്‍ ഉപജില്ലയില്‍ ഇത്തവണ പ്ലസ്ടു വിജയശതമാനത്തില്‍ ഒന്നാം സ്ഥാനവും വടകര വിദ്യാഭ്യാസ ജില്ലയില്‍ മൂന്നാം സ്ഥാനവും സ്‌കൂളിനാണ്. ആര്‍.ഡി.ഡിയുടെ നടപടിക്കെതിരേ കോടതിയെ സമീപിച്ചതായും കമ്മറ്റി അംഗം സി.കെ രാധാകൃഷ്ണന്‍ പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.