2019 July 18 Thursday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

പ്രാഭാത ഭക്ഷണം ഒഴിവാക്കുന്ന ശീലമുള്ളവരാണോ നിങ്ങള്‍?

ജോലി തിരക്കുമൂലം പതിവായി പ്രാഭത ഭക്ഷണം ഉപേക്ഷിക്കുന്നവരാണ് നിങ്ങളെങ്കില്‍ കുട വയറിനും തടി കൂടാനും സാധ്യതയുണ്ടെന്നാണ് പുതിയ പഠനങ്ങള്‍ പറയുന്നത്.

സമയനിഷ്ഠയില്ലാതെ പ്രാഭാത ഭക്ഷണം കഴിക്കുന്നവരില്‍ കൊഴുപ്പു കൂടാനും പൊണ്ണ തടിക്കും കാരണമാകുന്നു. പ്രഭാത ഭക്ഷണം പാടെ ഒഴിവാക്കുന്നവര്‍ക്ക് ഇതിനുള്ള സാധ്യത കൂടുതലാണെന്നാണ് അമേരിക്കയിലെ മയോ ക്ലിനിക്കിലെ ഗവേഷകന്‍ കെവിന്‍ സ്മിത്ത് പറയുന്നത്.

2005 മുതല്‍ 2017 വരെയുള്ള കാലയളവില്‍ 347 ആളുകളുടെ പ്രഭാത ഭക്ഷണ ശീലത്തെ കുറിച്ച് പഠനം നടത്തിയതില്‍ നിന്നാണ് ഈ നിഗമനത്തില്‍ എത്തിച്ചേര്‍ന്നിട്ടുളളത്. ആഴ്ച്ചയില്‍ അഞ്ചോ ഏഴോ തവണ ബ്രേക്ക് ഫാസ്റ്റ് കഴിക്കുന്നവരെക്കാള്‍ വയറിന്റെ അളവ് 9.8 സെ.മി കൂടുതലായിരിക്കും ബ്രേക്ക് ഫാസ്റ്റ് ഉപേക്ഷിക്കുന്നവരില്‍ എന്നാണ് പഠനം കണ്ടെത്തിയിരിക്കുന്നത്.

ഇനി എത്ര തിരക്കാണെങ്കിലും പ്രഭാത ഭക്ഷണം ഒഴിവാക്കാതിരിക്കുന്നതാണ് നല്ലത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.