2019 May 25 Saturday
നമ്മുടെ ഭാവിയുടെ സ്രഷ്ടാക്കള്‍ മറ്റാരുമല്ല; നമ്മള്‍ തന്നെയാണ്! -മഹാവീരന്‍

പ്രവാസികള്‍ക്ക് ജൂണ്‍ 30 വരെ അസാധു നോട്ടുകള്‍ മാറാം; പരമാവധി 25,000 രൂപ

 

ന്യൂഡല്‍ഹി: അസാധുവാക്കിയ പഴയ നോട്ടുകള്‍ ആര്‍.ബി.ഐ വഴി മാറിയെടുക്കാന്‍ പ്രവാസികള്‍ക്ക് 2017 ജൂണ്‍ 30 വരെ സമയപരിധി അനുവദിച്ചു. കഴിഞ്ഞ ദിവസം പുറത്തിറക്കിയ ഓര്‍ഡിനന്‍സിലാണ് വിദേശത്തുനിന്നു നാട്ടിലേക്കു വരുന്ന പ്രവാസികള്‍ക്ക് പരമാവധി 25000 രൂപ വരെയുള്ള പഴയ നോട്ടുകള്‍ ജൂണ്‍ 30 വരെ മാറ്റാമെന്ന നിര്‍ദേശമുള്ളത്. വിമാനത്താവളത്തില്‍ കസ്റ്റംസ് അധികൃതര്‍ മുമ്പാകെ കൈവശമുള്ള കറന്‍സിയുടെ വിവരങ്ങള്‍ നല്‍കണം. കസ്റ്റംസ് വകുപ്പ് ഇതിനായി പ്രത്യേക ഡിക്ലറേഷന്‍ ഫോറം തയാറാക്കും.

തെറ്റായ ഡിക്ലറേഷന്‍ നല്‍കുന്നവരില്‍നിന്ന് 50,000 രൂപ പിഴ ഈടാക്കും. വിദേശവിനിമയ ചട്ടപ്രകാരം ഒരാള്‍ക്കു നാട്ടിലേക്കു കൊണ്ടുവരാന്‍ കഴിയുന്നത് 25,000 രൂപ മാത്രമാണ്. ഈ നിയമത്തിന്റെ അടിസ്ഥാനത്തിലാണു പരിധി നിശ്ചയിച്ചിരിക്കുന്നത്. വിദേശത്തുള്ള ഇന്ത്യന്‍ പൗരന്മാര്‍ക്ക് കൈവശമുള്ള പഴയ നോട്ടുകള്‍ മാര്‍ച്ച് 31 വരെ ആര്‍.ബി.ഐയില്‍ നിന്നു മാറ്റാനാണ് അനുമതിയുള്ളത്. എന്നാല്‍ പ്രവാസികള്‍ക്കു നാട്ടിലെത്തി നോട്ടുമാറാന്‍ കൂടുതല്‍ സമയം അനുവദിക്കണമെന്ന ആവശ്യം പരിഗണിച്ചാണ് ജൂണ്‍ 30 വരെ സമയം നീട്ടി നല്‍കിയിരിക്കുന്നത്.

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.