2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

പ്രളയ സെസ് സമരത്തിനൊരുങ്ങി സംരംഭകര്‍

 

കൊച്ചി: പുതുതായി ഏര്‍പ്പെടുത്തിയ ഒരു ശതമാനം പ്രളയ സെസ് നിര്‍മാണ മേഖലയ്ക്ക് തിരിച്ചടിയായേക്കുമെന്ന് സൂചന. സെസ് നിര്‍മാണ സംരംഭകര്‍ക്ക് അധിക നഷ്ടമായി മാറും. സെസിന്റെ മറവില്‍ നിര്‍മാണ വസ്തുക്കളുടെ വില വര്‍ധിക്കും. പല നിര്‍മാണ വസ്തുക്കള്‍ക്കും കടുത്തക്ഷാമം അനുഭവപ്പെടുന്ന കേരളത്തില്‍ ഇപ്പോള്‍ തന്നെ തീവിലയാണുള്ളത്. പ്രളയ സെസായി കരാറുകാരടക്കമുള്ള സംരംഭകര്‍ നല്‍കുന്ന തുകകള്‍ തിരിച്ചു ലഭിക്കില്ല.

സംരംഭകരെയും പൊതുജനങ്ങളെയും അനാവശ്യമായി ബുദ്ധിമുട്ടിക്കുന്ന സെസ് ഒഴിവാക്കി സര്‍ക്കാരിന്റെ ഭരണച്ചെലവ് യുക്തിപൂര്‍വം ആസൂത്രണം ചെയ്ത് കുറയ്ക്കാനാണ് ശ്രമിക്കേണ്ടതെന്ന് നിര്‍മാണ സംരംഭകവേദി സംസ്ഥാന കണ്‍വീനര്‍ സിറാജുദ്ദീന്‍ ഇല്ലത്തോടി പറഞ്ഞു. ഭരണ പരിഷ്‌കാര കമ്മിഷന്‍ പോലും സര്‍ക്കാരിന്റെ ധൂര്‍ത്തും അനാവശ്യ ചെലവുകളും നിയന്ത്രിക്കുന്നതിന് യാതൊരു നടപടികളും സ്വീകരിക്കുന്നില്ല. മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് ഉദാരമായി സംഭാവന ചെയ്തവരാണ് സംരംഭകര്‍.
ചെറുകിട-ഇടത്തരം സംരംഭകര്‍ വലിയ പ്രതിസന്ധി നേരിടുന്ന സന്ദര്‍ഭത്തില്‍ അവര്‍ക്കുമേല്‍ വീണ്ടും സാമ്പത്തികഭാരം അടിച്ചേല്‍പ്പിക്കുന്ന പ്രളയസെസ് ഉടന്‍ പിന്‍വലിച്ചില്ലെങ്കില്‍ ശക്തമായ പ്രതിഷേധ സമരങ്ങള്‍ സംഘടിപ്പിക്കും. 12 ന് നിര്‍മാണ മേഖലയുമായി ബന്ധപ്പെട്ട 17 സംഘടനകളുടെ ഭാരവാഹികള്‍ മുഖ്യമന്ത്രി, ധനമന്ത്രി എന്നിവര്‍ക്ക് ഇത് സംബന്ധിച്ച് നിവേദനം നല്‍കുമെന്നും സിറാജുദ്ദീന്‍ കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.