2019 June 25 Tuesday
അന്യന്റെ ഭാരം ലഘൂകരിക്കുന്ന ആരും ലോകത്തിന് ഉപയോഗശൂന്യമല്ല. -ചാള്‍സ് ഡിക്കന്‍സ്‌

പ്രളയ ബാധിതര്‍ക്ക് ലയണ്‍സ് ക്ലബ് 500 വീടുകള്‍ നിര്‍മിച്ചു നല്‍കും

 

കൊച്ചി: ലയണ്‍സ് ക്ലബ് ഇന്റര്‍നാഷനല്‍ ഫൗണ്ടേഷന്‍ കേരളത്തിലെ പ്രളയ ബാധിതരെ പുനരധിവസിപ്പിക്കുവാന്‍ 500 വീടുകള്‍ നിര്‍മിച്ചു നല്‍കും. കേരളത്തിലെ വിവിധ ഭാഗങ്ങളില്‍ പ്രളയ ദുരന്തം വിതച്ച സ്ഥലങ്ങള്‍ സന്ദര്‍ശിച്ചതിനുശേഷം ഫൗണ്ടേഷന്‍ ചെയര്‍മാന്‍ നരേഷ് അഗര്‍വാള്‍, ട്രസ്റ്റി വിജയകുമാര്‍ രാജു എന്നിവര്‍ വാര്‍ത്താസമ്മേളനത്തിലാണ് ഇക്കാര്യം അറിയിച്ചത്. ഭവന നിര്‍മാണത്തോടൊപ്പം തകര്‍ന്നുപോയ സ്‌കൂള്‍ കെട്ടിടങ്ങള്‍, പ്രാഥമികാരോഗ്യകേന്ദ്രങ്ങള്‍ എന്നിവയും പുനര്‍നിര്‍മിക്കും.
കേരളത്തിലെ 645 ലയണ്‍സ് ക്ലബുകള്‍ ഇതിനകം 10 കോടി രൂപയുടെ പ്രളയ ദുരിതാശ്വാസ പ്രവര്‍ത്തനങ്ങള്‍ നടത്തിയിട്ടുണ്ട്. ഏകദേശം ഇത്രയും തുകയുടെ സാധന സാമഗ്രികള്‍ കേരളത്തിനു പുറത്തുള്ള ലയണ്‍സ് ക്ലബുകളില്‍നിന്നും ലഭിച്ചിട്ടുണ്ട്. ദചാലക്കുടി ലയണ്‍സ് ക്ലബ് പ്രസിഡന്റ് ജെയിന്‍ ചിറ്റിലപ്പിള്ളി സംഭാവനയായി നല്‍കുന്ന 20 സെന്റ് സ്ഥലത്ത് ഫൗണ്ടേഷന്‍ മൂന്ന് നില ഫ്‌ളാറ്റ് നിര്‍മിച്ച് ഇരുപത് കുടുംബങ്ങളെ പുനരധിവസിപ്പിക്കുമെന്ന് ഭാരവാഹികള്‍ അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.