2019 October 18 Friday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

പ്രളയാനന്തരമുണ്ടായ അസാധാരണ പ്രതിഭാസങ്ങള്‍ പഠിക്കാന്‍ സര്‍ക്കാര്‍

തിരുവനന്തപുരം: പ്രളയശേഷമുള്ള അസാധാരണ പ്രതിഭാസങ്ങള്‍ പഠിക്കാന്‍ സര്‍ക്കാര്‍ തീരുമാനം. ജലാശയങ്ങളിലെയും കിണറുകളിലെയും ജലനിരപ്പ് ക്രമാതീതമായി താഴുന്നത്, ഭൂഗര്‍ഭ ജലവിതാനത്തിലുണ്ടായ വ്യതിയാനം, ഭൂമി വിണ്ടുകീറുന്നതും കാലവസ്ഥയ്ക്കുണ്ടായ മാറ്റം തുടങ്ങിയവ വിദഗ്ധരുടെ നേതൃത്വത്തിലാണ് സര്‍ക്കാര്‍ പരിശോധിയ്ക്കുന്നത്. ശാസ്ത്രീയമായി വിലയിരുത്താനും പ്രതിവിധി നിര്‍ദേശിക്കാനും ശാസ്ത്രസാങ്കേതിക കൗണ്‍സിലിനെയും ജലനിരപ്പ് ക്രമാതീതമായി താഴുന്നതും ഭൂഗര്‍ഭ ജലവിതാനത്തിലുണ്ടായ വ്യതിയാനവും ഭൂമി വിണ്ടുകീറുന്നതും പഠിക്കാന്‍ സെന്റര്‍ ഫോര്‍ വാട്ടര്‍ റിസോഴ്‌സ് മാനേജ്‌മെന്റിനെയുമാണ് സര്‍ക്കാര്‍ ചുമതലപ്പെടുത്തിയിരിക്കുന്നത്. ഇതു കൂടാതെ ജൈവ വൈവിധ്യ മേഖലകളില്‍ പരിസ്ഥിതിക്കുണ്ടായ മാറ്റവും സസ്യ, ജന്തുജാലങ്ങളുടെ ആവാസ വ്യവസ്ഥയിലുണ്ടായ മാറ്റവും പ്രത്യേക പഠന വിഷയമാക്കും. പഠിച്ച് ഉടന്‍ റിപ്പോര്‍ട്ട് നലകാനാണ് സര്‍ക്കാര്‍ നിര്‍ദേശം നല്‍കിയിരിക്കുന്നത്.
പ്രളയത്തിനു ശേഷമുണ്ടായ അസാധരണ പ്രതിഭാസം വരും മാസങ്ങളില്‍ ജല അതോറിറ്റിയുടെ ശുദ്ധജല വിതരണം പ്രതിസന്ധിയിലാക്കുമെന്ന കണക്കുകൂട്ടലിലാണ് സര്‍ക്കാര്‍.
ശാസ്ത്രീയ പഠനത്തിന്റെ റിപ്പോര്‍ട്ട് കിട്ടിയതിനു ശേഷം മാത്രമേ ഇനി എന്തു ചെയ്യാമെന്ന് സര്‍ക്കാര്‍ തീരുമാനിക്കൂ. സംസ്ഥാനത്തെ നദികളിലെയും തോടുകളിലെയും ജലനിരപ്പ് ക്രമാതീതമായി താഴുന്നതില്‍ സര്‍ക്കാര്‍ കടുത്ത ആശങ്കയിലാണ്. പെരിയാര്‍ ഉള്‍പ്പെടെയുള്ള പ്രധാന നദികളിലെ ജലനിരപ്പ് 10 അടിയിലേറെ താഴ്ന്നത് ശുദ്ധജല പമ്പിങ്ങിനെ ബാധിച്ചുതുടങ്ങി.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News