2018 September 22 Saturday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ്
ജെ.കെ റൗളിങ്

പ്രളയസഹായം: മാതൃകയായി തുറയൂര്‍ പഞ്ചായത്തിലെ ജനങ്ങള്‍

മേപ്പയ്യൂര്‍: പ്രളയ ദുരിതാശ്വാസ പ്രവര്‍ത്തനങ്ങള്‍ക്കായി തുറയൂര്‍ ഗ്രാമപഞ്ചായത്തിലെ ജനങ്ങള്‍ ഒറ്റക്കെട്ടായി പഞ്ചായത്ത് ആസ്ഥാനമായ പയ്യോളി അങ്ങാടിയില്‍ സംഗമിച്ചു.
കാലത്ത് മുതല്‍ വൈകുന്നേരം വരെ സംഗമവേദിയില്‍ സ്ഥാപിച്ച വിവിധ പെട്ടികളിലായി അവരവര്‍ക്ക് സാധിക്കുന്ന പണം നിക്ഷേപിക്കുന്ന രീതിയാണ് സാമ്പത്തിക സമാഹരണത്തിനായി അവലംബിച്ചത്.
കുംബശ്രീ പ്രവര്‍ത്തകര്‍, പൊതു പ്രവര്‍ത്തകര്‍ ,ജനപ്രതിനിധികള്‍, കലാകാരന്‍മാര്‍ അടങ്ങിയ സ്‌ക്വാഡുകള്‍ കഴിഞ്ഞദിവസങ്ങളിലായി കേരളത്തിന്റെ അതിജീവനത്തിനായി തുറയൂരിന്റെ കൈത്താങ്ങ് എന്ന സന്ദേശം പ്രചരിപ്പിച്ച് പഞ്ചായത്തിന്റെ 13 വാര്‍ഡുകളിലും ക്യാംപയിനും ഗൃഹസന്ദര്‍ശനവും നടത്തിയിരുന്നു.മുഖ്യമന്ത്രിയുടെ ദുരിതാശ്വാസ നിധിയിലേക്ക് സമാഹരിച്ച തുക മന്ത്രിയും സ്ഥലം എം.എല്‍എയുമായ ടി.പി രാമകൃഷ്ണന് സംഘാടക സമിതി ഭാരവാഹികള്‍ കൈമാറി. ചടങ്ങ് സിനി ആര്‍ട്ടിസ്റ്റ് വിനോദ് കോവൂര്‍ ഉദ്ഘാടനം ചെയ്തു. മുഖ്യ രക്ഷാധികാരി തുറയൂര്‍ ഗ്രാമ പഞ്ചായത്ത് പ്രസിഡന്റ് ഷരീഫമണലുമ്പുറത്ത് അധ്യക്ഷനയായി.സംഘാടക സമിതി ചെയര്‍മാന്‍ എ.കെ അബ്ദുറഹിമാന്‍ ഹാജി, ജനപ്രതിനിധികളായ പി.ബാലഗോപാല്‍ ,എം.പി പത്മനാഭന്‍ ,നസീര്‍ പൊടിയാടി, സുരേന്ദ്രന്‍ മീത്തില്‍, വിവിധ രാഷ്ട്രീയ സാമൂഹിക സംഘടനകളെ പ്രതിനിധീകരിച്ച് എന്‍.പി ഷിബു, പി.ടി അബ്ദു റഹിമാന്‍, പി.ടി ശശി, ഇ.കെ ബാലകൃഷ്ണന്‍ സി.കെ ശശി, നാഗത്ത് നാരായണന്‍, വാഴയില്‍ കുഞ്ഞിരാമന്‍, എം.ടി അഷ്‌റഫ് ,കുന്നുമ്മല്‍ റസാഖ് ,ഇസ്മായില്‍ തെനങ്കാലില്‍ ,പി.വി ശശി , കുടുംബശ്രീ ചെയര്‍പേഴ്‌സണ്‍ രജിന.ഇ കെ സംസാരിച്ചു.
സ്വാഗത സംഘം കണ്‍വീനര്‍ സിറാജ് തുറയൂര്‍ സ്വാഗതവും പ്രോഗ്രാം കോഡിനേറ്റര്‍ അനൂപ് തകതിമി നന്ദിയും പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.