2018 November 20 Tuesday
ജനങ്ങളേ, നിങ്ങള്‍ക്ക് നിങ്ങളുടെ നാഥനിങ്കലില്‍നിന്നുള്ള തത്വോപദേശങ്ങളും ശമനവും മാര്‍ഗദര്‍ശനവും സത്യവിശ്വാസികള്‍ക്ക് കാരുണ്യവും വന്നെത്തിയിരിക്കുന്നു

പ്രളയത്തിന്റെ ബാക്കിപത്രം; മത്തുര്‍ വയലില്‍ 50 ഏക്കറില്‍ ചളിയും മണലുമടിഞ്ഞു

പനമരം: കഴിഞ്ഞ വെള്ളപ്പൊക്കത്തില്‍ മത്തുര്‍ ചെമ്പോട്ടിതോട് തകര്‍ന്ന് വെള്ളം വയലിലെത്തിയത് കര്‍ഷകര്‍ക്ക് ദുരിതമായി.
ഈ പ്രദേശത്ത് ഏകദേശം 150തോളം ഏക്കറില്‍ നഞ്ച നെല്‍കൃഷിയാണ് ചെയ്ത് വന്നിരുന്നത്. ഈ ഭാഗങ്ങളില്‍ നഞ്ചകൃഷിയെ ആശ്രയിച്ചാണ് വര്‍ഷത്തെ ഉപജീവനത്തിനുള്ള നെല്ല് സംഭരിച്ച് വെക്കുന്നത്. അപ്രതീക്ഷിതമായ വെള്ളപ്പൊക്കം ഇവിടുത്തെ പാരമ്പര്യ കൃഷിയെ തകിടം മറിച്ചിരിക്കുകയാണ്. നെല്‍വയലിനോട് ചേര്‍ന്നുള്ള വലിയതോട് പൊട്ടി വെള്ളം വയലിലേക്ക് ഒഴികയതോടെ 50 ഏക്കറോളം വയലുകളില്‍ മണലും ചെളിയും കൊണ്ട് നിറഞ്ഞു. കാലവര്‍ഷത്തിന്റെ മധ്യത്തില്‍ തന്നെ നഞ്ചകൃഷിക്കാവശ്യാമായ ഞാറ് നട്ട് പാകപ്പെടുത്തി വെക്കാറാണ് ഇവരുടെ പതിവ്. ആദ്യത്തെ വെള്ളപൊക്കത്തില്‍ തന്നെ കര്‍ഷകര്‍ക്ക് വന്‍ സാമ്പത്തിക നഷ്ടം വന്നിരുന്നു. 150 ഏക്കര്‍ കൃഷിക്ക് ആവശ്യമായ ഞാറ് പൂര്‍ണമായും നശിച്ചു. അന്ന് ഒരേക്കര്‍ കൃഷിയിറക്കാന്‍ പതിനൊന്നായിരം രൂപ ചിലവ് വന്നപ്പോള്‍ വെള്ളക്കെട്ട് ഇറങ്ങിയതിന് ശേഷം വയലുകള്‍ കൃഷിക്ക് പാകപ്പെടുത്താന്‍ ഒരു ഏക്കറിന് 17,000 രൂപ അധിക ചിലവ് വന്നതായി പ്രദേശത്തെ കര്‍ഷകനായ സുരേഷ് പറഞ്ഞു. അവിടെയാണ് വീണ്ടും വെള്ളമെത്തി ദുരിതം വിതച്ചത്. വയലുകളിലും തോടുകളിലും അടിഞ്ഞ്കുടിയ ചെളിയും മണലും നീക്കം ചെയ്യുന്നതിനുള്ള സംവിധാനം ഒരുക്കി തരണമെന്നൊണ് ഇവിടുത്തെ കര്‍ഷകരുടെ ഇപ്പോഴത്തെ പ്രധാന ആവശ്യം.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.