2018 December 13 Thursday
പരിഹസിക്കപ്പെടുന്നത് അവഗണിക്കപ്പെടുന്നതിനേക്കാള്‍ നല്ലതാണ് – ഹാരോള്‍ഡ് മാക്മില്ലന്‍

പ്രളയം: കേന്ദ്ര നടപടി സംബന്ധിച്ച് സംയുക്ത സത്യവാങ്മൂലം നല്‍കണമെന്ന് ഹൈക്കോടതി

 

കൊച്ചി: കേരളത്തിലെ പ്രളയ മേഖലയില്‍ കേന്ദ്ര സര്‍ക്കാരിന്റെ വിവിധ മന്ത്രാലയങ്ങള്‍ സ്വീകരിച്ച നടപടി സംബന്ധിച്ച് സംയുക്ത സത്യവാങ്മൂലം സമര്‍പ്പിക്കണമെന്ന് ഹൈക്കോടതി ഉത്തരവിട്ടു.
പ്രധാനമന്ത്രി അധ്യക്ഷനായ കേന്ദ്ര ദുരന്ത നിവാരണ സമിതിയുടെ സെപ്റ്റംബര്‍ മാസത്തിലെ യോഗത്തിന്റെ വിശദാംശങ്ങള്‍ ഉള്‍ക്കൊള്ളിച്ച് കേന്ദ്ര സര്‍ക്കാര്‍ വിശദമായ സത്യവാങ്മൂലം നല്‍കാന്‍ ചീഫ് ജസ്റ്റിസ് ഋഷികേഷ് റോയി, ജസ്റ്റിസ് ജയശങ്കര്‍ നമ്പ്യാര്‍ എന്നിവരടങ്ങിയ ഡിവിഷന്‍ ബഞ്ച് നിര്‍ദ്ദേശിച്ചു.
പ്രളയ മേഖലയില്‍ വിവര ശേഖരണം നടത്താന്‍ സംസ്ഥാന ലീഗല്‍ സര്‍വിസ് അതോറിറ്റിക്ക് ഹൈക്കോടതി നിര്‍ദ്ദേശം നല്‍കി. പ്രളയ ബാധിതര്‍ക്ക് സര്‍ക്കാര്‍ നല്‍കുന്ന വിവിധ ആനുകൂല്യങ്ങളും മറ്റും സംബന്ധിച്ച നിയമ അവബോധ ക്ലാസുകള്‍ സംഘടിപ്പിക്കണമെന്നും ഉത്തരവില്‍ പറയുന്നു.
പ്രളയ ബാധിതര്‍ക്കുള്ള നഷ്ടപരിഹാരം, പുനരധിവാസം, നാശനഷ്ടം കണക്കാക്കല്‍ തുടങ്ങിയ വിവിധ ആവശ്യങ്ങളുന്നയിച്ച് പ്രതിപക്ഷ നേതാവ് രമേശ് ചെന്നിത്തല, യൂത്ത് ലീഗ് ജനറല്‍ സെക്രട്ടറി പി.കെ ഫിറോസ് എന്നിവരുള്‍പ്പെടെ സമര്‍പ്പിച്ച പൊതുതാല്‍പര്യ ഹരജിയിലാണ് ഹെക്കോടതി ഉത്തരവ്.
കേസ് 24ന് വീണ്ടും പരിഗണിക്കും.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.