2019 June 17 Monday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

പ്രതിരോധ സന്ദേശം പകരാന്‍ ഡോക്‌സിസൈക്ലിന്‍ കഴിച്ച് കലക്ടര്‍

കൊല്ലം: എലിപ്പനി പ്രതിരോധ സന്ദേശം പ്രചരിപ്പിക്കുന്നതിന് ജില്ലാ കലക്ടര്‍ ഡോ. എസ്. കാര്‍ത്തികേയനും ഡോക്‌സിസൈക്ലിന്‍ ഗുളിക കഴിച്ചു. കലക്ടറേറ്റില്‍ രോഗപ്രതിരോധ ബോധവല്‍ക്കരണത്തിനുള്ള ഡോക്‌സി വാഗണിന്റെ ഫ്‌ളാഗ് ഓഫ് ചടങ്ങിലാണ് അദ്ദേഹവും ആരോഗ്യ വകുപ്പ് ഉദ്യോഗസ്ഥരും ഗുളിക കഴിച്ചത്.
പ്രതിരോധ മരുന്ന് കഴിക്കേണ്ടതിന്റെ പ്രാധാന്യം എല്ലാവരും ഉള്‍ക്കൊള്ളണമെന്ന് കലക്ടര്‍ പറഞ്ഞു. എല്ലാ വകുപ്പുകളിലെയും ഉദ്യോഗസ്ഥര്‍ സന്ദേശവാഹകരായി മാറണം. വെള്ളക്കെട്ടില്‍ ജോലി ചെയ്യുന്നവര്‍, തൊഴിലുറപ്പ് തൊഴിലാളികള്‍, ശുചീകരണ പ്രവര്‍ത്തകര്‍ തുടങ്ങിയവര്‍ നിര്‍ബന്ധമായും മരുന്നു കഴിക്കണം. മറ്റുള്ളവരെ കഴിക്കാന്‍ പ്രേരിപ്പിക്കുകയും വേണം. പാര്‍ശ്വഫലമില്ലാത്ത മരുന്നാണ് ഡോക്‌സിസൈക്ലിന്‍. ശരീരവേദനയോടു കൂടിയ ഏതു പനിക്കും നിര്‍ബന്ധമായി ചികിത്സ തേടണമെന്നും കലക്ടര്‍ പറഞ്ഞു.
പകര്‍ച്ചരോഗ വ്യാപനം തടയുന്നതിന് ഊര്‍ജിതമായ പ്രവര്‍ത്തനങ്ങളാണ് ആരോഗ്യ വകുപ്പിന്റെ നേതൃത്വത്തില്‍ ജില്ലയില്‍ നടന്നുവരുന്നതെന്നും പ്രതിരോധ മാര്‍ഗങ്ങളെക്കുറിച്ചുള്ള ബോധവത്ക്കരണത്തിനു സാധ്യമായ എല്ലാ മാര്‍ഗങ്ങളും പ്രയോജനപ്പെടുത്തുന്നുണ്ടെന്നും ചടങ്ങില്‍ അധ്യക്ഷയായ ജില്ലാ മെഡിക്കല്‍ ഓഫിസര്‍ ഡോ. വി.വി ഷേര്‍ളി പറഞ്ഞു. ഡെപ്യൂട്ടി ഡി.എം.ഒമാരായ ഡോ. ആര്‍. സന്ധ്യ, ഡോ. ജെ. മണികണ്ഠന്‍, ഡോ. ജയശങ്കര്‍, ആര്‍.സി.എച്ച് ഓഫിസര്‍ ഡോ. കൃഷ്ണവേണി പങ്കെടുത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.