2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

പ്രകാശനും കുടുംബവും തിരിച്ചുവന്നു; മരിച്ചുപോയവരുടെ പട്ടികയില്‍നിന്ന്

 

മലപ്പുറം: കവളപ്പാറയിലുണ്ടായ ഉരുള്‍പൊട്ടലില്‍ മണ്ണിനടിയില്‍പ്പെട്ടവരുടെ പട്ടികയിലായിരുന്നു കഴിഞ്ഞദിവസം വരെ പ്രകാശനും കുടുംബവും. ഉരുള്‍പൊട്ടലിനുശേഷം പ്രകാശനും ഭാര്യയും രണ്ട് മക്കളും അടങ്ങിയ കുടുംബം വഴിക്കടവിലുള്ള കുടുംബവീട്ടില്‍ അഭയം തേടിയിരുന്നെങ്കിലും ആരും അറിഞ്ഞിരുന്നില്ല.
ഞായറാഴ്ച വൈകിട്ട് ഫോണില്‍ ബന്ധപ്പെട്ടപ്പോഴാണ് ഇവര്‍ സുരക്ഷിതരാണെന്ന് നാട്ടുകാര്‍ അറിഞ്ഞത്. ഉരുള്‍പൊട്ടലുണ്ടായ വ്യാഴാഴ്ച രാത്രി കുന്നിന്‍മുകളില്‍നിന്ന് വലിയ ശബ്ദം കേട്ടതോടെ ഇവര്‍ ഇറങ്ങി ഓടുകയായിരുന്നു. ഉരുള്‍പൊട്ടലുണ്ടായ സമയത്ത് പ്രകാശന്‍ ഉറക്കത്തിലായിരുന്നു.

കുട്ടികള്‍ കരയുന്ന ശബ്ദം കേട്ട് എഴുന്നേറ്റപ്പോള്‍ അയല്‍വാസികള്‍ ഓടിക്കോയെന്ന് പറയുന്നതുകേട്ടാണ് ഇറങ്ങിയോടിയതെന്ന് പ്രകാശന്‍ പറഞ്ഞു. വ്യാഴാഴ്ച രാത്രി ഒരു സുഹൃത്തിന്റെ വീട്ടില്‍ കിടന്നു. പിറ്റേന്ന് രാവിലെ പൂളപ്പാടം ക്യാംപിലെത്തി. രക്ഷപ്പെട്ടെങ്കിലും ആ സന്തോഷമൊന്നും പ്രകാശനില്ല. ജ്യേഷ്ഠനെയും അനിയനെയും അനിയന്റെ ഭാര്യയെയും ഇപ്പോഴും കണ്ടെത്താനായിട്ടില്ല. വീടും മണ്ണ് മൂടിപ്പോയി. കോട്ടയത്ത് താമസിക്കുന്ന പ്രകാശനും കുടുംബവും ഒരു ദിവസത്തേക്ക് കവളപ്പാറയിലെത്തിയതായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.