2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

പോത്തിനെ മോഷ്ടിച്ചെന്നാരോപണം: വിദ്യാര്‍ഥിയെ തല്ലിക്കൊന്ന കേസില്‍ തൃണമൂല്‍ നേതാവ് അറസ്റ്റില്‍

കൊല്‍ക്കത്ത: പോത്തിനെ മോഷ്ടിച്ചെന്നാരോപിച്ച് 24കാരനായ വിദ്യാര്‍ഥിയെ തല്ലിക്കൊന്ന കേസില്‍ ഒളിവിലായിരുന്ന തൃണമൂല്‍ കോണ്‍ഗ്രസ് നേതാവിനെ പൊലിസ് അറസ്റ്റ് ചെയ്തു. കഴിഞ്ഞ തിങ്കളാഴ്ചയാണ് പോത്തിനെ മോഷ്ടിച്ചെന്നാരോപിച്ച് ഐ.ടി.ഐ വിദ്യാര്‍ഥിയായ കൗശിക് പുരകേതിനെ തൃണമൂല്‍ പഞ്ചായത്ത് അംഗം മല്ലിക്കിന്റെ നേതൃത്വത്തില്‍ ഒരു സംഘം തല്ലിക്കൊന്നത്. ഡയമണ്ട് ഹാര്‍ബറിലെ ഹരിന്‍ഡങ്ക ഗ്രാമത്തിലായിരുന്നു സംഭവം.

ഇയാളെ പര്‍ഗനാസ് ജില്ലയിലെ ദത്താപൂകുരില്‍ നിന്ന് വ്യാഴാഴ്ച രാത്രിയാണ് അറസ്റ്റ് ചെയ്തത്. ഈ കേസില്‍ പൊലിസിന്റെ ഭാഗത്തുനിന്ന് കാര്യമായ അന്വേഷണങ്ങള്‍ ഉണ്ടാകാതിരുന്നതിനെ തുടര്‍ന്ന് കേസ് സി.ബി.ഐ അന്വേഷിക്കണമെന്നാവശ്യപ്പെട്ട് കൗശികിന്റെ കുടുംബം രംഗത്തുവന്നിരുന്നു.
അതേസമയം അറസ്റ്റിലായ മല്ലിക്കിനുവേണ്ടി വാദിക്കാന്‍ കോടതിയില്‍ ഹാജരാകേണ്ടെന്ന് ഡയമണ്ട് ഹാര്‍ബര്‍ ബാര്‍ അസോസിയേഷന്‍ തീരുമാനിച്ചു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.