2019 October 19 Saturday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

പുളിന്താനം തോട്ടില്‍ മീനുകള്‍ ചത്തുപൊങ്ങി

പെരുമ്പാവൂര്‍: വാഴക്കുളം പഞ്ചായത്തിലെ ചെറുവേലിക്കുന്ന്, പുളിന്താനം തോട്ടില്‍ മീനുകള്‍ ചത്തുപൊങ്ങി. തോടിനോട് ചേര്‍ന്ന് പ്രവര്‍ത്തിക്കുന്ന കമ്പനികളില്‍ നിന്നും രാസമാലിന്യം തള്ളിയതിനാലാണ് വെള്ളത്തിന് നിറം മാറ്റം സംഭവിച്ച് മീനുകള്‍ ചത്ത് പൊങ്ങാന്‍ കാരണമെന്ന് സമീപവാസികള്‍ പറയുന്നു. ഇതിന് മുമ്പും സമാന രീതിയില്‍ തോട്ടിലേക്ക് മാലിന്യം തള്ളിയിരുന്നു.
തുടര്‍ന്ന് നാട്ടുകാര്‍ പരാതി നല്‍കുകയും പൊലിസും മറ്റ് അധികൃതരും എത്തി പരിശോധന നടത്തുകയും സമീപത്തെ സി.സി.ടി.വി ദൃശ്യങ്ങള്‍ പരിശോധിച്ചെങ്കിലും ആളെ പിടികൂടാന്‍ കഴിഞ്ഞില്ല. കഴിഞ്ഞ ദിവസത്തെ സംഭവത്തിനെ തുടര്‍ന്ന് ജലത്തിന്റെ നിറം മാറ്റം പരിശോധിക്കാന്‍ മലിനീകരണ നിയന്ത്രണ ബോര്‍ഡിലേയും മറ്റും ഉദ്യോഗസ്ഥരെത്തി ജലം പരിശോധനയ്ക്കായി കൊണ്ടുപോയി.
കുന്നത്തുനാട് താലൂക്കിലെ വിവിധ ഭാഗങ്ങളിലൂടെ ഒഴുകി വാഴക്കുളം പഞ്ചായത്തിലെത്തി പെരിയാറിലേക്കാണ് ഈ ജലം ഒഴുകിയെത്തുന്നത്. ചെറുവേലിക്കുന്നിലെ ലിഫ്റ്റ് ഇറിഗേഷന്‍ പദ്ധതിയും, പെരിയാറിലെ പമ്പ് ഹൗസിലേക്കും ഉപയോഗിക്കുന്നത് ഈ വെള്ളമാണ്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.