2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

പുതിയ പാഠങ്ങള്‍

യു. ഹസ്സനലി

ഓര്‍മകളുടെ വിരല്‍തുമ്പില്‍നിന്ന്

ഏതു കയത്തിലേക്കാണു നീ ഊര്‍ന്നിറങ്ങിയത്?
വാക്കും വരയും തീര്‍ത്ത ചിത്രങ്ങളും മാഞ്ഞു പോയല്ലോ!
മഴ വന്നതും
വെയില്‍ മാറിയതും
ആരുടെയും ആഗ്രഹങ്ങള്‍ക്കനുസരിച്ചല്ല!
കത്തുന്ന വേനലും
മഴയുടെ വളക്കിലുക്കങ്ങളും
താണ്ടി
വാക്കുകള്‍ മറന്നുവച്ച
മരത്തണലുകളില്‍
ഒന്നുകൂടി പോയി പരതി
നോക്കണം.
പങ്കു പറ്റിയ സൗഹൃദങ്ങളത്രയും
മഴവില്ലഴകിനോടൊപ്പം
ഇത്ര വേഗം മാഞ്ഞുപോകയോ?
ആകാശങ്ങള്‍ പോലെ,
ആഴികള്‍ പോലെ,
ആഗ്രഹങ്ങള്‍ക്കും
അതിരുകളുണ്ടെന്നത്
പുതിയ കണ്ടെത്തലായി
രേഖപ്പെടുത്തിവയ്ക്കാം.

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.