2018 September 19 Wednesday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

പി.കെ ശശിക്കെതിരായ പരാതി മറച്ചുവയ്ക്കാന്‍ ശ്രമിച്ചിട്ടില്ല: വൃന്ദ കാരാട്ട്

 

ന്യൂഡല്‍ഹി: ഷൊര്‍ണൂര്‍ എം.എല്‍.എ പി.കെ ശശിക്കെതിരായ പരാതി മറച്ചുവയ്ക്കാന്‍ ശ്രമിച്ചിട്ടില്ലെന്ന് സി.പി.എം പോളിറ്റ്ബ്യൂറോ അംഗം വൃന്ദ കാരാട്ട്. പരാതി കിട്ടിയയുടന്‍ സംസ്ഥാന ഘടകത്തിന് കൈമാറി.
കേന്ദ്ര നേതൃത്വത്തിന് കത്ത് ലഭിക്കുന്നതിന് മുന്‍പ് സംസ്ഥാന നേതൃത്വം നടപടി തുടങ്ങിയിരുന്നു. സ്ത്രീകള്‍ക്കെതിരായ അതിക്രമങ്ങള്‍ വച്ചുപൊറുപ്പിക്കില്ല. പരാതിക്കാരിയായ യുവതി പൊലിസിനെ സമീപിച്ചാല്‍ പാര്‍ട്ടി പൂര്‍ണ പിന്തുണ നല്‍കുമെന്നും അവര്‍ പറഞ്ഞു.
അതിനിടെ, ശശിക്കെതിരേ പരാതി ലഭിച്ചയുടന്‍ നടപടി തുടങ്ങിയിരുന്നതായി പോളിറ്റ്ബ്യൂറോ അംഗം എസ്. രാമചന്ദ്രന്‍ പിള്ളയും പ്രതികരിച്ചു.
തെറ്റ് ചെയ്തവരെ പാര്‍ട്ടി സംരക്ഷിക്കില്ല. ശശിക്കെതിരായ അന്വേഷണം ഉടന്‍ പൂര്‍ത്തിയാക്കും. പാര്‍ട്ടിക്ക് ലഭിച്ച പരാതി പൊലിസിന് കൈമാറാനാവില്ലെന്നും അദ്ദേഹം പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.