2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

പിന്നോക്ക കമ്മിഷന്‍ നിയമനം: പാര്‍ലമെന്റില്‍ ബഹളം

ന്യൂഡല്‍ഹി: പിന്നോക്ക, ന്യൂനപക്ഷ കമ്മിഷനുകളിലെ നിയമനങ്ങളെച്ചൊല്ലി രാജ്യസഭ ഇന്നലെയും ബഹളത്തില്‍ മുങ്ങി. ഇതേത്തുടര്‍ന്ന് സഭ ഒട്ടേറെ തവണ നിര്‍ത്തിവച്ചു. കോണ്‍ഗ്രസിനൊപ്പം എസ്.പി, ബി.എസ്.പി, ജെ.ഡി.യു അംഗങ്ങളും പ്രതിഷേധം ഉയര്‍ത്തി. നിയമന വിഷയത്തില്‍ സര്‍ക്കാര്‍ കള്ളം പറയുകയാണെന്ന് ആരോപിച്ച് പ്രതിപക്ഷം നടുത്തളത്തിലിറങ്ങി. ഇതേ വിഷയത്തില്‍ തിങ്കളാഴ്ചയും പ്രതിപക്ഷം സഭ സ്തംഭിപ്പിച്ചിരുന്നു.
ന്യൂനപക്ഷ, പിന്നോക്ക ദേശീയ കമ്മിഷനുകളില്‍ വൈസ് ചെയര്‍മാന്റെയും അംഗങ്ങളുടെയും തസ്തികകള്‍ ദീര്‍ഘകാലമായി ഒഴിഞ്ഞു കിടക്കുകയാണെന്ന് എസ്.പി അംഗം രാം ഗോപാല്‍ യാദവ് പറഞ്ഞു. ഈ കമ്മിഷന്റെ ഗുണഭോക്താക്കളാകേണ്ടവരെ ഇതു പ്രതികൂലമായി ബാധിക്കുകയാണ്. അതിനു പുറമേ പിന്നോക്ക വിഭാഗത്തില്‍ നിന്ന് ചില സമുദായത്തില്‍ പെട്ടവരെ ഒഴിവാക്കിയതിനു പിന്നില്‍ ഗൂഡാലോചന ഉണ്ടെന്നും അദ്ദേഹം ആരോപിച്ചു. ലോകത്തെ ഏറ്റവും വലിയ ജനാധിപത്യരാജ്യമായ ഇന്ത്യയുടെ പാര്‍ലമെന്റ് സന്ദര്‍ശിക്കാനായി നമീബിയയില്‍ നിന്നുള്ള പാര്‍ലമെന്റ് പ്രതിനിധികള്‍ എത്തിയതും ഈ ബഹളത്തിലേക്കായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.