2019 December 07 Saturday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

പിതാവിനെ കൊന്നുവന്ന പതിനാലുകാരന്‍ സ്‌കൂളില്‍ വിദ്യാര്‍ഥികള്‍ക്കു നേരെ വെടിയുതിര്‍ത്തു

ടൗണ്‍വില്ലേ: അമേരിക്കയിലെ സൗത്ത് കരോളിനയില്‍ പതിനാലുകാരന്‍ പിതാവിനെ വെടിവെച്ചുകൊന്നു. ശേഷം സ്വന്തമായി ട്രക്കോടിച്ച് സ്‌കൂളിലെത്തി വിദ്യാര്‍ഥികള്‍ക്കു നേരെ വെടിയുതിര്‍ത്തു. വെടിവയ്പില്‍ രണ്ടു വിദ്യാര്‍ഥികള്‍ക്കും ഒരു അധ്യാപകനും പരുക്കേറ്റു. പരുക്കേറ്റ ഒരു വിദ്യാര്‍ഥിയുടെ നില ഗുരുതരമാണ്. പരുക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.

നാല്‍പ്പത്തേഴുകാരനായ പിതാവിനെ വീടിനുള്ളില്‍ വെച്ച് കൊലപ്പെടുത്തിയ ശേഷമാണ് രണ്ട് മൈല്‍ അകലെയുള്ള ഇയാളുടെ സ്‌കൂളില്‍ ട്രക്ക് ഓടിച്ചെത്തിയത്.

ടൗണ്‍വില്ലേയിലെ എലമെന്ററി സ്‌കൂളില്‍ പ്രാദേശിക സമയം ഒരു മണിക്കായിരുന്നു സംഭവം. വെടിവെപ്പ് നടന്ന് മിനിറ്റുകള്‍ക്കുള്ളില്‍ തന്നെ പൊലിസ് എത്തി കൗമാരക്കാരനെ കസ്റ്റഡിയിലെടുത്തു.

സ്‌കൂളിലെ മറ്റു വിദ്യാര്‍ഥികള്‍ സുരക്ഷിതരാണെന്നും പോലീസ് അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.