2019 May 22 Wednesday
ജനങ്ങളില്‍ നിന്നു നീ മുഖം തിരിച്ച് കളയരുത് അഹന്ത കാണിച്ച് ഭൂമിയില്‍ നടക്കയുമരുത് (വിശുദ്ധ ഖുര്‍ആന്‍)

പിണറായിയെ തടഞ്ഞ സംഭവം:രാജ്യസഭയില്‍ അടിയന്തര പ്രമേയ നോട്ടിസ്

ന്യൂഡല്‍ഹി: കേരള മുഖ്യമന്ത്രി പിണറായി വിജയനെ ഭോപ്പാലില്‍ പൊലിസ് തടഞ്ഞ നടപടി ചര്‍ച്ച ചെയ്യണമെന്നാവശ്യപ്പെട്ട് രാജ്യസഭയില്‍ അടിയന്തര പ്രമേയ നോട്ടിസ്. സി.പി.എമ്മിന്റെ കെ.കെ രാഗേഷ് എം.പിയാണ് അടിയന്തര പ്രമേയത്തിന് അനുമതി നല്‍കണമെന്നാവശ്യപ്പെട്ട് നോട്ടീസ് നല്‍കിയത്. അടിയന്തര പ്രമേയത്തിന് അനുമതി നിഷേധിക്കാനാണ് സാധ്യത. കഴിഞ്ഞയാഴ്ചയാണ് മലയാളി സംഘടനകളുടെ പരിപാടിയില്‍ പങ്കെടുക്കാനായി പിണറായി ഭോപ്പാലിലെത്തിയത്. എന്നാല്‍ ആര്‍.എസ്.എസ് ഭീഷണിയുണ്ടെന്ന് പറഞ്ഞ് മധ്യപ്രദേശ് പൊലിസ് പിണറായിയെ തടഞ്ഞു. തുടര്‍ന്ന് പിണറായി പരിപാടിയില്‍ പങ്കെടുക്കാതെ മടങ്ങി. സംഭവം ഏറെ വിവാദത്തിന് വഴിവെച്ചിരുന്നു. സംഭവത്തില്‍ പിന്നീട് മധ്യപ്രദേശ് മുഖ്യമന്ത്രി ഖേദം പ്രകടിപ്പിക്കുകയും ചെയ്തിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.