2018 September 20 Thursday
പതിനായിരം ബന്ധുക്കള്‍ക്ക് പകരം നില്‍ക്കാന്‍ ഒരേയൊരു ആത്മാര്‍ഥ സുഹൃത്ത് മതി.
യൂറിപ്പിഡിസ്

പാര്‍ഥ സാരഥി ക്ഷേത്രം: പൊലിസ് സംരക്ഷണം ആവശ്യപ്പെട്ട് മലബാര്‍ ദേവസ്വം എക്‌സിക്യൂട്ടീവ്

ഗുരുവായൂര്‍ : ഹൈക്കോടതി ഉത്തരവിന്റെ അടിസ്ഥാനത്തില്‍ പാര്‍ഥ സാരഥി ക്ഷേത്രത്തിലെ ഭരണം സുഗമമായ നടത്താന്‍ പൊലിസ് സംരക്ഷണം ആവശ്യപ്പെട്ട് മലബാര്‍ ദേവസ്വം എക്‌സിക്യുട്ടീവ് ആഫീസര്‍ ബിജു ഗുരുവായൂര്‍ എ.സി.പിക്ക് കത്ത് നല്‍കി .
ക്ഷേത്രം മലബാര്‍ ദേവസ്വം ബോര്‍ഡ് ഏറ്റെടുത്ത് ഭരണം നടത്താന്‍ ആവശ്യമായ നടപടി എടുക്കണമെന്നും എക്‌സിക്യൂട്ടീവ് ഓഫിസര്‍ക്കും ഭക്തര്‍ക്കും ജീവന കാര്‍ക്കും പ്രവര്‍ത്തന തടസമുണ്ടാക്കുന്നവര്‍ക്കെതിരെ നടപടി സ്വീകരിച്ച് ക്ഷേത്ര ഭരണത്തിനാവശ്യമായ സാഹചര്യം ഒരുക്കണമെന്ന് കഴിഞ്ഞ ദിവസം ഹൈക്കോടതി ഉത്തരവ് പുറപ്പെടുവിച്ചിരുന്നു .
ഇതിനെതിരേ ആരെങ്കിലും പ്രവര്‍ത്തിക്കുകയാണെങ്കില്‍ ക്ഷേത്ര കമ്മറ്റി പ്രസിഡന്റിനും സെക്രട്ടറിക്കും ആയിരിക്കും ഉത്തരവാദിത്വം എന്നു കൂടി ജസ്റ്റിസ് ദമാ നായിഡു ശേഷാദ്രി , ജസ്റ്റിസ് ആന്റണി ഡൊമനിക് എന്നിവരുടെ വിധി പ്രസ്താവത്തില്‍ പറഞ്ഞിരുന്നു . ഉന്നത പൊലിസ് ഉദ്യോഗസ്ഥരുമായി ചര്‍ച്ച നടത്തിയ ശേഷം ഹൈക്കോടതി ഉത്തരവ് നടപ്പാക്കുമെന്ന് ഗുരുവായൂര്‍ എ.സി.പി പി.ശിവദാസന്‍ അറിയിച്ചു. എന്നാല്‍ ഹൈക്കോടതി വിധി തെറ്റായി വ്യാഖ്യനിക്കുകയാണെന്നും ക്ഷേത്ര ഭരണം വിട്ട് കൊടുക്കാന്‍ കോടതി പറഞ്ഞിട്ടില്ല. എക്‌സിക്യുട്ടീവ് ഓഫിസറും ഭക്തരും തൊഴാന്‍ വേണ്ടി ക്ഷേത്രത്തില്‍ പ്രവേശിക്കുന്നത് തടസപ്പെടുത്തരു തെന്നാണ് കോടതി പറഞ്ഞിട്ടുള്ളതെന്നും തങ്ങള്‍ കൊടുത്ത കൗണ്ടര്‍ കോടതി ബുധനാഴ്ച പരിഗണിക്കുന്നുണ്ടെന്നും ക്ഷേത്ര ഭരണ സമിതി സെക്രട്ടറി ദേവന്‍ കൊങ്ങാശ്ശേരി അഭിപ്രായപ്പെട്ടു .


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.