2017 April 29 Saturday
യുദ്ധം ഒരിക്കലും ആരാണ് ശരി എന്ന് നിര്‍ണയിക്കുന്നില്ല, ആരാണ് ബാക്കിയുള്ളതെന്നേ തീരുമാനിക്കുന്നുള്ളൂ.
ബര്‍ട്രന്‍ഡ് റസല്‍

പാകിസ്താന്‍ ബാബര്‍-3 ക്രൂസ് മിസൈല്‍ പരീക്ഷിച്ചു- വിഡിയോ

babr

ഇസ്‌ലാമാബാദ്: ആണവായുധം വഹിക്കാവുന്ന ക്രൂസ് മിസൈലായ ബാബര്‍-3 പാകിസ്താന്‍ പരീക്ഷിച്ചു.


1. മുങ്ങിക്കപ്പലില്‍നിന്നു തൊടുക്കാവുന്ന ഈ മിസൈലിന്റെ ദൂരപരിധി 450 കിലോമീറ്ററാണ്.

2. ഇന്ത്യന്‍ മഹാസമുദ്രത്തിലായിരുന്നു പാകിസ്താന്റെ മിസൈല്‍ പരീക്ഷണം. അജ്ഞാതകേന്ദ്രത്തില്‍നിന്നാണ് പരീക്ഷണമെന്നാണ് പാകിസ്താന്റെ അവകാശവാദം.

3. തദ്ദേശീയമായി നിര്‍മിച്ച ക്രൂസ് മിസൈലായ ബാബര്‍ മുങ്ങിക്കപ്പലില്‍നിന്ന് വിക്ഷേപിക്കുന്നത് ആദ്യമായാണ്.

4. സമുദ്രത്തിനടിയില്‍നിന്നും ചലിക്കുന്ന പ്രതലത്തില്‍നിന്നും വിക്ഷേപിക്കാവുന്ന ബാബര്‍ -3 ന്റെ പരീക്ഷണം വിജയമാണെന്നു പാക് മിലിറ്ററി അറിയിച്ചു.

5. ബാബര്‍ ക്രൂസ് മിസൈലിന്റെ പരിഷ്‌കരിച്ച പതിപ്പായ ബാബര്‍ 2 കഴിഞ്ഞ ഡിസംബറില്‍ പാകിസ്താന്‍ പരീക്ഷിച്ചിരുന്നു.

6. ബാബര്‍-2 ന്റെ ആണവപോര്‍മുന വഹിക്കാന്‍ കഴിവുള്ള പരിഷ്‌കരിച്ച രൂപമാണ് ബാബര്‍ -3

7. ഇന്ത്യയെ ലക്ഷ്യമാക്കിയുള്ളവയാണ് പാകിസ്താന്റെ മിസൈല്‍ പരീക്ഷണങ്ങള്‍. ഇന്ത്യയുടെ ബ്രഹ്മോസിനു മറുപടിയായാണ് ബാബര്‍-3 എന്നാണ് സൈന്യത്തിന്റെ വിലയിരുത്തല്‍.


 


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.