2019 October 15 Tuesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

പാകിസ്താന്‍ തീവ്രവാദ വിരുദ്ധ നടപടികള്‍ ശക്തമാക്കണം: ജോണ്‍ കെറി

ന്യൂഡല്‍ഹി: തീവ്രവാദ പ്രവര്‍ത്തനങ്ങളില്‍ ഏര്‍പ്പെടുന്നവര്‍ക്കെതിരേ ശക്തമായ നടപടികളെടുക്കാന്‍ പാകിസ്താന്‍ മുന്നോട്ടുവരണമെന്ന് യു.എസ് സ്‌റ്റേറ്റ് സെക്രട്ടറി ജോണ്‍ കെറി.
തീവ്രവാദ ക്യാംപുകള്‍ അടച്ചുപൂട്ടുന്നതില്‍ ജാഗ്രവത്താവണമെന്നും അദ്ദേഹം ആവശ്യപ്പെട്ടു. ത്രിദിന ഇന്ത്യാസന്ദര്‍ശനത്തിനിടെ ഡല്‍ഹി ഐ.ഐ.ടിയിലെ വിദ്യാര്‍ഥികളുമായി സംവദിക്കുകയായിരുന്നു അദ്ദേഹം. തീവ്രവാദ, ഭീകരവാദ വിഷയവുമായി ബന്ധപ്പെട്ട് താന്‍ പാക് പ്രധാനമന്ത്രി നവാസ് ശരീഫുമായി സംസാരിച്ചതായും അദ്ദേഹം പറഞ്ഞു.
ഇന്ത്യ-പാക് ബന്ധം വഷളാവാത്ത രീതിയില്‍ പരിഹാരം കാണാന്‍ പാകിസ്താന്‍ ശ്രമിക്കണമെന്നും അദ്ദേഹം പറഞ്ഞു. യു.എസ് പ്രസിഡന്റ് തെരഞ്ഞെടുപ്പുമായി ബന്ധപ്പെട്ട് അദ്ദേഹം ഒന്നും പ്രതികരിച്ചില്ല. ഇന്ത്യയും അമേരിക്കയും ജനാധിപത്യ മൂല്യങ്ങള്‍ മുറുകെപിടിച്ചാണ് മുന്നോട്ടുപോകേണ്ടതെന്ന് പറഞ്ഞ കെറി സമാധാനപരമായ സമരങ്ങള്‍ നടത്താന്‍ ജനങ്ങളെ അനുവദിക്കണമെന്നും സൂചിപ്പിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.